اسلام آباد۔ 04 جولائی (اے پی پی) وزیراعظم محمد شہباز شریف نانگا پربت اٹی اختہ مروک آ کوہ پیما آصف بھٹی نا بازیابی کن دمدستی ریسکیو آپریشن نا پارت کرینے۔ سے شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم محمد شہباز شریف کوہ پیما نا مار واصف نا اپیل نا نوٹس ءِ ہلسا چیف سیکرٹری گلگت بلتستان  ءِ پارت کرے کہ آصف بھٹی نا حفاظت اٹ پدی اتنگ کن دمدستی گام گیج کننگے۔ وزیراعظم چیف سیکرٹری ءِ کوہ پیما نا مار واصف تون رابطہ کرسا اودے حوصلہ کننگ نا ہم پارت کرے۔ یات سلے کہ آصف بھٹی نا 7 ہزار 500 میٹر نا بڑزی آ اختہ مننگ نا حوال آک ءُ۔ کوہ پیما نا مار واصف سوشل میڈیا نا کمک اٹ وزیراعظم محمد شہباز شریف تون تینا باوہ نا کمک نا اپیل کریسس۔

متعلقہ مضامینمصنف کی طرف سے مزید