اسلام آباد۔ 04 جولائی (اے پی پی) وزیردفاع خواجہ محمد آصف تون تاجکستان نا وزیر دفاع شیر علی مرزو ڈل اتون اوار اوڑدہی کرے۔ اوڑدہی ٹی ہڑتوم آ کنڈآتا دفاعی کمکاری نا بابت امور آ گپ وتران کننگا۔ وزیر دفاع خواجہ محمد آصف تاجکستان نا عسکری و سول سرکڑدہ و اونا الس کن نیک است خواہی نا درشانی ءِ کرے و پارے کہ اوغانستان نا ہمسایہ مننگ ناناطہ پاکستان وتاجکستان …
وزیر دفاع خواجہ محمد آصف تون تاجکستان نا وزیر دفاع شیر علی مرزونا ڈل اتون اوار اوڑدہی
گیشتریں ھال
اسلام آباد۔ 04 جولائی (اے پی پی) وزیردفاع خواجہ محمد آصف تون تاجکستان نا وزیر دفاع شیر علی مرزو ڈل اتون اوار اوڑدہی کرے۔ اوڑدہی ٹی ہڑتوم آ کنڈآتا دفاعی کمکاری نا بابت امور آ گپ وتران کننگا۔ وزیر دفاع خواجہ محمد آصف تاجکستان نا عسکری و سول سرکڑدہ و اونا الس کن نیک است خواہی نا درشانی ءِ کرے و پارے کہ اوغانستان نا ہمسایہ مننگ ناناطہ پاکستان وتاجکستان ہڑتوم آتے اسہ وڑنا سیکورٹی چیلنج و خطرہ مون تروک ءِ۔ اوپارے کہ پاکستان غٹ ویل آتا اپرامن ایسری آ یقین تخک، و ڈیہہ اٹی امن و سوگوی نا مون آ دننگ اٹ تاجکستان نا کوشست آتا ستاءِ کیک۔ وزیر دفاع پارے کہ سی پیک گوادر آن کاشغر و مرغاب اسکان رابطہ غاتے ودفنگ کن پوسکن و یکتا وارخواہی فراوان کیک۔ تاجک وزیر دفاع ہڑتوم آ کنڈآتا تعلقداری تے سوگو کننگ کن پاکستان تون اواری اٹ کاریم کننگ نا عزم انا درشانی ءِ کرے۔ سیکرٹری دفاع لیفٹیننٹ جنرل (ریٹائرڈ) حمود الزمان خان ہم اوڑدہی کرے۔
