مکہ مکرمہ ۔ 04 جولائی (اے پی پی) رابطہ عالم اسلامی سویڈن اٹی قرآن پاک نا بے حرمتی نا واقعہ غا اسلامی کمکار تنظیم نا کنڈآن بٹنگوک آ ہلہلہ ئی دیوان نا ستاءِ کرینے ہرادے سعودی عرب، اسلامی سروکی دیوان نا چیئرمین و اسلامی کمکار تنظیم نا ایگزیکٹیو کمیٹی نا چیئرمین ئسک بٹنگاسر۔ رابطہ عالم اسلامی نا جنرل سیکرٹری نا کنڈآن جاری بیان اٹی سیکرٹری جنرل و چیئرمین مسلم علماکونسل شیخ ڈاکٹر محمد بن عبدلکریم العیسی سعودی عرب، اسلامی سروکی دیوان نا چیئرمین و اسلامی کمکار تنظیم نا ایگزیکٹیو کمیٹی نا چیئرمین نا دا بابت دمدستی و سوگو موقف و اسلامی کمکار تنظیم اٹی سعودی عرب آخبتی مندوب نا کنڈآن سویڈن اٹی قرآن پاک نا بے شرفی و پے درپے اشتعال انگیزی نا برخلاف بیان نا ستاءِ کرے۔ رابطہ عالم اسلامی او آئی سی نا کنڈآن جاری اعلامیہ نا مخ تفی نا درشانی ءِ کرینے ہراٹی بھلاعئید 1444ھ نا اولیکو دے سویڈن نا دارالحکومت سٹاک ہوم نا مرکزی مسیت نا پیشن قرآن پاک نا بے شرفی نا واقعہ نا مذمت و داوڑنا واقعہ غاتیا ناراضگی و کمامدارآتا کنڈآن دا بے شرفی آ عملدرآمد کن موکل نامہ نا جاری کننگ آ بھاز است ہسونی نا درشانی ءِ کننگا۔

متعلقہ مضامینمصنف کی طرف سے مزید