قرآن  پاک  ءِ  بے شرپی  کنگ ءِ واکیہ  لائک ءِ مذمت  انت،  ملک ءِ دیمروئی ءُ وشھالی  ءِ  واستہ   درستاناں یکجا  بوھگ ءُ  کار ءُ    دراج بریں  پیسلہ  کنگ لوٹ ائیت،  مزن وزیر  محمد   شہباز  شریف ءِ بنجاھی کابینہ ءِ دیوان  ءَ گشتانک

اسلام آباد۔3جولائی  (اے پی پی):مزن وزیر  محمد  شہباز شریف   ءَ سویڈن  ءَ قرآن   پاک ءِ  بے  شرپی  کنگ ءِ  واکیہ  ءَ را  مذمت  کنان ءَ  لوٹ  کتگ کہ   سویڈن  حکومت   مجرم   آنی  ھلاپ  ءَ  زوت  کاروائی   ءُ آیوکیں باندات  ءَ اے  رنگیں واکیہ  آنی  گر ءُ دار ءِ واستہ  گامگیج    کنگ بہبیت،  ملک ءِ دیمروئی ءُ وشھالی  ءِ  واستہ    حخومت،  سیاستدان   ءُ   ادارگ   آناں  یکجائی  ءَ  کار  کنگ لوٹ  ائیت۔   سیر لاپیں  مردم   صنعتکار   آں  ھوار   درستاناں     قربانی دیگ  لوٹ   ائیت۔   اگاں آئی ءِ کشک ءَ  بہ زور  ائیت  گڈا  دیمروئی ءُ وشھالی    مئے     پاد آں چُکائیت،   آئی  ایم  ایف  منوگری   ءَ چہ   مارا  نپس  کشگ ءِ موہ  رستگ۔  دعا  انت کہ  اے مئے  آئی  ایم  ایف  ءِ گڈی  پروگرام  بہ بیت،  مئے آیوکیں باندات  ءِ واستہ   دراج  بریں  پیسلہ  کنگ لوٹ ائیت۔  اے  ھیالانی درشانی آئی  ءَ دو شمبے  ءِ روچ ءَ بنجاھی  کابینہ  ءِ دیوان   ءَ گوں  گشتانک  دیان ءَ کت۔