کوئٹہ۔ 03 جولائی (اے پی پی) بنجائی وزیر ہاؤسنگ اینڈ ورکس مولانا عبدالواسع پارینے کہ سویڈن اٹی قرآن ءِ خاخر تننگ نا گندہ انگا فعل آن مچ آ دنیا ٹی رہینگوک آ ارب آ مسلمان تا احساس و جوزہ غاک بھاز بے وڑ مجروح مسنو، دا گندہ انگا کاریم نا اخس کہ مذمت ءِ کننگے کم ءِ، داخیال آتا درشانی ءِ او دوشنبے نادے آ پارٹی راہشون آتون گپ وتران …
جہانی برادری سویڈن نا است ہسون واقعہ دمدستی وڑاٹ نوٹس ءِ ہلے، بنجائی وزیر ہاؤسنگ مولانا عبدالواسع
گیشتریں ھال
کوئٹہ۔ 03 جولائی (اے پی پی) بنجائی وزیر ہاؤسنگ اینڈ ورکس مولانا عبدالواسع پارینے کہ سویڈن اٹی قرآن ءِ خاخر تننگ نا گندہ انگا فعل آن مچ آ دنیا ٹی رہینگوک آ ارب آ مسلمان تا احساس و جوزہ غاک بھاز بے وڑ مجروح مسنو، دا گندہ انگا کاریم نا اخس کہ مذمت ءِ کننگے کم ءِ، داخیال آتا درشانی ءِ او دوشنبے نادے آ پارٹی راہشون آتون گپ وتران کرسا کرے۔ بنجائی وزیر پارے کہ اسلام اسہ پرامن ءُ مذہب اسے و غٹ مذہب آتا رغاموک و عقیدہ غاتا شرف نا درس ایتک۔ جہانی برادری دا است ہسون واقعہ نا دمدستی نوٹس ءِ ہلے و واقعہ ٹی اوار زموار آتے دزگیر کرسا سزا تننگے۔ اوپارے کہ سویڈن اٹی اسہ راستیکو دُو انا انتہاپسند اسے نا کنڈآن قرآن پاک نا بے شرفی نا گندہ انگا فعل انا مذمت کن لوز گنج اس اف۔ آجوئی درشانی نا لبادہ مچ آ دنیا نا یک و نیم ارب مسلمان تا مذہبی جوزہ غاتے مجروح کننگ کن کاریم اٹ اتنگ مفک۔ داناقابل قبول ءِ۔ بنجائی وزیر پارے کہ آجوئی درشانی سلاہ نا آڑاٹ کس اسے پین مذہب اسے آن تعلق تخوک آ مقدس مذہبی کتاب آتا بے شرفی ءِ کننگ نا موکل تننگ مفک۔
