اسلام آباد۔ 03 جولائی (اے پی پی) قائم مقام صدر محمد صادق سنجرانی سعودی شہزادہ بن عبدالعزیز آل سعود نا کزیت آ ڈکھیائی و است ہسونی نا درشانی ءِ کرینے۔ سینیٹ سیکرٹریٹ آن جاری بیان نا رداٹ قائم مقام صدر پارے کہ سعودی شہزادہ نا کزیت نا خبر ءِ بنگٹ است ہسون مس و اونا کزیت اسہ بے بدل ءُ نسخان اسے۔ قائم مقام صدر ایماندار شہزادہ نا سیاسی و …
قائم مقام صدر محمد صادق سنجرانی نا سعودی شہزادہ طلال بن عبدالعزیز آل سعود نا کزیت آ ہڑزخواہی
گیشتریں ھال
اسلام آباد۔ 03 جولائی (اے پی پی) قائم مقام صدر محمد صادق سنجرانی سعودی شہزادہ بن عبدالعزیز آل سعود نا کزیت آ ڈکھیائی و است ہسونی نا درشانی ءِ کرینے۔ سینیٹ سیکرٹریٹ آن جاری بیان نا رداٹ قائم مقام صدر پارے کہ سعودی شہزادہ نا کزیت نا خبر ءِ بنگٹ است ہسون مس و اونا کزیت اسہ بے بدل ءُ نسخان اسے۔ قائم مقام صدر ایماندار شہزادہ نا سیاسی و راجی خذمت آتے خراج عقیدت پیش کرے۔ اومستی پارے کہ ڈکھیائی نا داساہت اٹی خاہوت نا غم اٹی بریبرنا شریک اُن۔ قائم مقام صدر اللہ تعالیٰ آن ایماندار نا درجہ غاتا بڑزی و پدسلوک آتیکن صبر وجمیل نا دعاکرے۔ قائم مقام چیئرمین سینیٹ مرزامحمد آفریدی، قائد ایوان سینیٹ سینیٹر اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم ئسک ہم سعودی شہزادہ طلال بن عبدالعزیز آل سعود نا کزیت آ ڈکھیائی و است ہسونی نا درشانی ءِ کرسا تینا جتا جتا ہڑزخواہی کلہو آتیٹی سعودی شہزادہ نا خاہوت تون ہمدردی نا درشانی ءِ کرینو۔ اودعاکریر کہ اللہ سعودی شہزادہ ءِ جنت اٹ جاگہ ایتے و غمزدہ خاہوت ءِ صبر وجمیل عطاکے۔
