اسلام آباد۔ 03 جولائی (اے پی پی) وزیرخزانہ سینیٹر محمد اسحاق ڈار تون پاکستان اٹی چین نا سفارت خانہ نا ناظم الامور پینگ چنکسو فنانس ڈویژن اٹی اوڑدہی کرے۔ دوشنبے نادے آ وزارت خزانہ غان جاری بیان نا رداٹ اوڑدہی ٹی پاکستان و چین نا نیام اٹ ہڑتوم آ کنڈآتا تعلقداری آ سرجمی اٹ گپ وتران کننگا۔ داوخت آ وزیرخزانہ ناظم الامور ءِ آئی ایم ایف تون 9 ممی جاچ …
وزیرخزانہ سینیٹر محمد اسحاق ڈار تون چینی سفارت خانہ نا ناظم الامور نا اوڑدہی
گیشتریں ھال
اسلام آباد۔ 03 جولائی (اے پی پی) وزیرخزانہ سینیٹر محمد اسحاق ڈار تون پاکستان اٹی چین نا سفارت خانہ نا ناظم الامور پینگ چنکسو فنانس ڈویژن اٹی اوڑدہی کرے۔ دوشنبے نادے آ وزارت خزانہ غان جاری بیان نا رداٹ اوڑدہی ٹی پاکستان و چین نا نیام اٹ ہڑتوم آ کنڈآتا تعلقداری آ سرجمی اٹ گپ وتران کننگا۔ داوخت آ وزیرخزانہ ناظم الامور ءِ آئی ایم ایف تون 9 ممی جاچ آ مروک آ پیش رفت نا بارواٹی پارے۔ پاکستان اسٹاف لیول نا معاہدہ غا سرسہبی اٹ رسینگانے۔ اوپارے کہ حکومت زرگزران ءِ سوگو کننگ کن اولیتی بنداو تیا گام گیج کننگ ءِ۔ اوپاکستان کن چین نا مخ تفی نا ستاءِ کرے و خاص وڑاٹ تدوک آ منہ تُو اٹی پاکستان تون چینی مالیاتی ادارہ غاتا کمکاری آ ہم منت واری ءِ ہرفے۔ ناظم الامور پینگ چنکسو ہڑتوم آ ملک آتا نیام اٹ دوستانہ تعلقداری تے تالان کرے۔ اومشکل زرگزرانی حالیت آتیان پد ہم ملک اٹی زرگزرانی سوگوی اتنگ کن حکومت پاکستان نا کوشست آتا ستا ءِ کرے۔ اووزیرخزانہ ءِ پین باور کرفے کہ چینی حکومت پاکستان نا مخ تفی ءِ برجاتخک۔ ہڑتوم آ فریق آک اقتصادی، واپاری و مالیاتی بشخ آتیٹی ہڑتوم آ کنڈآتا تعلقداری تے ودفنگ کن دوئی وڑوڈول آتیا ہم گپ وتران کریر۔ وزیرخزانہ اسحاق ڈار پاکستان تون کمکاری آ چینی سرکڑدہ نا منت واری ءِ ہرفے۔
