سید خورشید شاہ تون بلوچستان نا ڈل انا اوڑدہی، صوبہ ءِ مون تروک دیر انا ویل آن معلومدار کریر

سکھر۔ 03 جولائی (اے پی پی) بنجائی وزیر آبی وسیلہ سید خورشید احمد شاہ تون صوبہ بلوچستان آن بروک آ ڈل داڑے اوڑدہی کرے۔ ڈل اٹی اسپیکر بلوچستان اسمبلی ، سیکرٹری ایری گیشن بلوچستان ، سیکرٹری ایری گیشن سندھ و ایلوفک اوار ئسر۔ اوڑدہی ٹی بلوچستان ءِ مون تروک دیر انا ویل آتیا گپ وتران کننگا۔ اوڑدہی آن پد بنجائی وزیر سید خورشید احمد شاہ میڈیا تون گپ وتران کرسا پارے کہ بلوچستان آن بروک آ ڈل انا گڑتی تے بنگونن و اوفتے ایسر کننگ نا کوشست کننگک۔ خورشید شاہ پارے کہ بلوچستان ءِ دیر انا ویل مون تروک ءِ۔ داوار بھلو سال اسے آن پد تربیلا ڈیم انا اسپیل وے تے ملنگانے ۔ ربیع نا فصل اکن ہم دیر دستیاب ءِ۔ خورشید شاہ ایلو ملکی ویل آتیا ہم ہیت کرے۔ اوپارےکہ ساڑی حکومت تینا آئینی مد ءِ پورو کیک۔ مد پورو مننگ آن پد نگران سیٹ اپ بریک۔