آئی  ایم  ایف  ءَ گوں  منوگری  راج ءِ کامیاتی انت،  منوگری   ءَ چہ پاکستان ءَ را  سئے ارب  ڈالر  رس ائیت،  بنجاھی وزیر  ھزانگ  اسحاق  ڈار  ءِ پریس  کانفرنس

لاہور۔30جون  (اے پی پی):  بنجاھی وزیر  ھزانگ   سینیٹر  اسحاق  ڈار  ءَ گوشتگ کہ  میاں اوستمانی  مالیاتی فنڈ  آئی ایم  ایف ءَ گوں  منوگری راج ءِ کامیاتی انت،  منوگری ءَ چہ  پاکستان ءَ را  سئے ارب  ڈالر  رسیت،  مزن وزیر  محمد   شہباز شریف   ءَ آئی  ایم  ایف     منوگری آنی  رد ءَ ھاسیں  دلگوشی انت،  مزن وزیر  ءَ   پیرس ءَ   ھرچی  کوشست  کتگ  ایشی ءِ  پد  ءَ آئی  ءِ  گوں دل ءِ جھلانکاں    شگر ءُ منت  وار  آں،   گوستگیں دور  ءِ حکومت ءَ     ریکارٹی ایں وام    زورگ بوتگ۔  اے  ھیالانی درشانی آئی ءَ  آدینگ ءِ روچ ءَ پریس  کانفرنس  ءِ  ساھت ءَ  کت۔ آئی   ءَ  گوشت  کہ آئی  ایم  ایف   منوگری  آنی واستہ   مزن وزیر ءِ کوشست   لائک ءِ ستا  انت۔   منوگری آنی ساھت ءَ    سکی  کاینت  بلے    اللہ   پاکءَ  کامیات  کتگ۔  بنجاھی  وزیر  ھزانگ ءَ گوشتگ کہ گوستگیں  10  روچ  ءَ چہ  منوگری ءِ واستہ  میاں  اوستمانی مالیاتی  فنڈ  ءَ را    منوک  کتگ۔ آئی ءَ  گوشتگ کہ پاکستان ءِ    توک ءَ ھم   ءُ  پاکستان  ءِ ڈن ءَ  ھم  مردم  اے    مایوسی ءَ     شنگ ءُ تالان  کنگ ءَ انت   کہ ملک ڈیفالٹ   کنت  ءُ  آ  اے  ھم گوشگ ءَ بوتگ انت کہ  اے  یک بلین  ڈالر  بانڈ    دات نہ کناں  پدا محمد  شہباز شریف     ءِ   مزن وزیری  ءِ سیٹ  ءِ دور ءُ باریگ ءَ اے    بانڈ    ادا  کنگ بوت۔   آئی ءَ گوشت کہ   نا ما   بانڈ ادا ئیگی  ءِ پڑ ءَ دیری    ءُ  مھتلی  کت  ءُ نا پریس  کلب ءَ  گوں نزیکی کت۔  ما  ھمک  ادائیگی   وھد ءُ موہءِ سر ءَ کتگ۔   ھمے  ھاترا  اللہ  پاک ءِ  ھرچی  شگر ءُ منت  ءَ  بگراں  کم انت۔  سینیٹر  اسحاق  ڈار  ءَ  گوشتگ کہ   لستیں مردم  مایوسی   شنگ  ءُ تالان   کنگ  لوٹاں    ایشانی  کاونٹر  کنگ لوٹ ائیت۔  ایشانی  دپ پروشگ لوٹ ائیت۔   منی اے  ایمان انت کہ پاکستان  ڈیفالٹ  بوھوکیں ملکءِ  نہ ات۔    ملک اچبر   ڈیفالٹ  نہ بیت۔  بنجاھی وزیر  ھزانگ   ءَ گوشت کہ گوستگیں  دور  ءِ حکومت  ءَ پاسکتان ءَ  معاشی    رنگ ءَ  تاوان  پجارینتگ  ،    آئی ءَ گوشت کہ  لستیں مردم  دروگ   بندگ ءُ شنگ  کنگ ءَ انت۔     آئی ءَ گوشت کہ  مزن وزیر  شہباز شریف ءُ حکومت ءَ     یا بجٹ  ءَ  ارچی   گوشگ   بوتگ     اے   توامیں   چیز آناں    پد ءُ رند  کنگ  بنت۔