اسپیکر قومی اسمبلی راجہ پرویز اشرف تون قومی کرکٹ ٹیم انا گوازی گر حارث رؤف نا اوڑدہی

اسلام آباد۔ 27جون (اے پی پی) اسپیکر قومی اسمبلی راجہ پرویز اشرف تون قومی کرکٹ ٹیم انا گوازی گر حارث رؤف اوڑدہی کرے ہراٹی مسکوہی وزیراعلیٰ خیبرپختونخوا اکرم خان درانی، ڈپٹی اسپیکر زاہد اکرم درانی، خرم پرویز راجہ و بیرسٹر شاہ رخ پرویز راجہ ئسک ہم ساڑی ئسر۔ اسپیکر قومی اسمبلی حارث رؤف ءِ قومی اسمبلی نا ایس ڈی جیز نا خیرخواہی سفیر مقرر مننگ آ مبارکبادی تس وپارے کہ کرکٹر حارث رؤف قومی کرکٹ ٹیم انا مایہ ناز گوازی گر ءِ۔ اوپارے کہ حارث رؤف نا بطور ایس ڈی جیز سفیر شمولیت ستاکڑزک، پارلیمان گوازی تا مون آ دننگ اٹ بھاز است خواہی تخک۔ حارث رؤف پارے کہ ایس ڈی جیز کن خیرخواہی نا سفیر مقرر مننگ کنکن بھلو شرفمندی اسے۔