دیکی ملک آتا روس انا نیم فوجی دستہ ویگنرنا بغاوت تون ہچ ءُ تعلق اس اف، امریکی صدر

واشنگٹن۔ 27 جون (اے پی پی) امریکی صدر جوبائیڈن پارینے کہ دیکی ملک آتا روس انا نیم فوجی دستہ ویگنر نابغاوت تون ہچ ءُ تعلق اس اف۔ فرانسیسی خبررساں ادارہ نا رداٹ جوبائیڈن پارے کہ ویگنر ٹولی نا ماسکو نا کنڈا پیش گامی ءِ توننگ نا بارواٹی نتیجہ اس اخذ کننگ داسکان وخت آن مست ءِ۔ اوپارے کہ نن تدو ک آ ہفتہ نا حالیت و اونا روس و یوکرین کن مضمر آتا جاچ ءِ ہلنگ اُن۔ داسہ دا پاننگ وخت آن مست ءِ کہ حالیت آک ہراکنڈا ہِننگ ءُ۔ اوپارے کہ او دیکی سیوتی تتون رابطہ ٹی ءِ و روس اٹی ہم انتس کہ مس ، امریکہ یوکرین نا دفاع و علاقائی وتواجہی نا مدام مخ تفی ءِ کرسا کیک۔ جوبائیڈن داہیت انا تردید ءِ کرے کہ روسی بغاوت اٹ دیکی اوار ءِ۔ اونا پاننگ ئس کہ او یورپی لیڈر آتون ہیت کرے و او امنا کرے کہ نن روسی صدر ولادیمیر پیوٹن ءِ ویگنر گروپ نا بغاوت نا دوبہ  ءِ دیکی و نیٹو آ خلنگ نا موقع تفنہ۔