بنجاھی وزیر اھوالکاری   ءَ احسن  اقبال  ءَ را   چین  ءِ نیمگ ءَ چہ  سی پیک  منصوبگ  ءِ  ہیرو  ءِ  گشتانک رسگ ءِ   پد ءَ مبارک  بات،   اے  شرپ  پاکستان  ءِ درئی پالیسی آنی گہتری  ءِ  درشان  انت، مریم اورنگزیب

اسلام آباد۔26جون  (اے پی پی): بنجاھی وزیر   اھوالکاری     ءُ شنگ کاری  مریم   اورنگزیب  ءَ بنجاھی وزیر   منصوبگ  بندی   ءُ دیمروئی احسن  اقبال  ءَ را  چین  ءِ  نیمگ ءَ چہ  چین  پاکستان  اقتصادی  راہداری  منصوبگ  سی پیک ءِ ہہسرو  ءِ  گشتانک  رسگ ءِ پد ءَ   مبارک بات   پیش  کتگ  ءُ گوشتگ کہ     آئی ءِ   جہد ءُ  کوشست    آناں   ستا  پیش  کنان  ءَ چین وڑیں   شرپ مندیں ملک  کنگ  ءَ انت۔     آئی  ءَ را سیاسی  بیر گیری ءِ رد ءَ   پاگل ءُ گنوکے  ءَ   جیل ءَ  مان  کتگ   بوتگ۔   مردم آناں  ٹوک داووتگ  ءُ   تیر  جنائینتگ۔    دروگیں   کیس  جوڑ  کتگ۔     ایراد  گرگ  بوتگ،  چین ءِ   بیان  اے رنگھیں   توامیں  سیاہ کار   ءُ کرد   آنی دیم ءَ  یک    شہمات  ات۔  دو  شمبے  ءَ    وتی ٹویٹ ءَ آئی  ءَ گوشت   کہ  چین ءِ نیمگ  ءَ چہ   اے شرپ  پاکستان ءِ درئی  پالیسی آنی  گہتری  ءِ   ھم  درشان انت۔  آئی ءَ گوشت کہ  چار  سال ءَ ملک ءَ را  سفارتی   ایوکی  ءِ  آماچ  کتگ  بوتگ۔  مزن وزیر شہباز شریف ءِ سروکی ءَ گوستگیں  یک سالے  ءِ ساھت ءَ   درئی  جنگ   ءَ  پاکستان  ءِ  رابطہ،  شرپ ءُ   ازت   ءِ   برجائی   بوتگ۔ الحمد اللہ