اسلام آباد۔ 22 جون (اے پی پی) سلاہکار امور کشمیر و گلگت بلتستان قمر زمان کائرہ نا کماشی ٹی مقبوضہ کشمیر اٹی 5 اگست 2019 نا بھارتی غیرکانودی و اسہ کنڈی گام گیج آتا برخلاف یوم استحصال اڈتننگ نا بابت دیوان اس اڈ ہلک۔ پنچ شنبے نادے آ اڈ ہلوک آ دیوان اٹی آزاد کشمیر، گلگت بلتستان، ہرچار آ صوبہ غاتا نمائندہ غاتیان بیدس ایلو تعلقدار ادارہ غاتا بڑزکو کمامدارآک …
سلاہکار امور کشمیر و گلگت بلتستان قمرزمان کائرہ نا کماشی ٹی دیوان
گیشتریں ھال
اسلام آباد۔ 22 جون (اے پی پی) سلاہکار امور کشمیر و گلگت بلتستان قمر زمان کائرہ نا کماشی ٹی مقبوضہ کشمیر اٹی 5 اگست 2019 نا بھارتی غیرکانودی و اسہ کنڈی گام گیج آتا برخلاف یوم استحصال اڈتننگ نا بابت دیوان اس اڈ ہلک۔ پنچ شنبے نادے آ اڈ ہلوک آ دیوان اٹی آزاد کشمیر، گلگت بلتستان، ہرچار آ صوبہ غاتا نمائندہ غاتیان بیدس ایلو تعلقدار ادارہ غاتا بڑزکو کمامدارآک بشخ ہلکر۔ دیوان اٹی 05 اگست آتہہ و پیشن ملک یوم استحصال اڈتننگ نا بابت سلاہ تا جاچ ءِ ہلنگا۔ قمر زمان کائرہ پارے کہ بھارت غیرکانودی گام گیج آتا سوب آن مقبوضۃ کشمیر نا ڈیموگرافی ءِ بدل کننگ ءِ بھارت نا سفاکانہ و غیرکانودی گام گیج آتا برخلاف مچ آ پاکستانی قوم یوم استحصال پبی وڑاٹ اڈایتک۔ سلاہکار امور کشمیر یوم استحصال روایتی وڑآن اینک مرسا اڈتننگ آ زور شاغسا پارینے کہ یوم استحصال ءِ پبی وڑٹ اڈتننگ کن ہرممکن گام گیج کیک۔ یات سلے کہ 05 اگست 2019 ء آ بھارت اقوام متحدہ نا قرارداد آتے لتاڑسا مقبوضہ کشمیر نا خصوصی حیثیت ءِ چٹفنگ نا ناپاک کوشست کرے۔
