اسلام آباد۔ 22 جون (اے پی پی) بنجائی وزیر بنجائی تعلیم و کسبی تربیت رانا تنویر حسین پارینے کہ ہائیر ایجوکیشن کمیشن نا کنڈآن یونیورسٹی تیٹی ہولی نا دود آتا اڈتننگ نا برخلاف نوٹیفکیشن ءِ پدی ہلنگانے، بھارت اٹی دا بابت واویلا راستکی تیان چپ ءِ، ہموڑے مسلمان تے عئید انانماز ہم کواننگ نا موکل تفننگک وخت اس کہ داڑے غیرمسلم پاکستانی پورو آجو ءُ، ایچ ای سی ءِ آخبت داوڑنا گام گیج آتیان تورینن و اودے پارت کرینن کہ اوفتا کاریم یونیورسٹی تیٹی آب اٹ تعلیم ءِ گچین کننگ ءِ۔ پنچ شنبے نادے آ قومی اسمبلی ٹی چندی اسمبلی نا باسک آتا اعتراضی ٹک انا ورندی ٹی بنجائی وزیر رانا تنویرحسین پارے کہ ہائیر ایجوکیشن کمیشن نا کنڈآن ہولی نا تہوار آ اسہ چٹھی اسے نا ذکر ءِ۔ اوپارے کہ سوشل میڈیا غا ہولی نا دود آتا آڑاٹ گڑاس ہندن ءُ ہیت مون آ بس ہرافتا ننا راج موکل تفک۔
