اسلام آباد۔ 22 جون (اے پی پی) دفترخارجہ نا ترجمان پارینے کہ وزیراعظم محمد شہبا زشریف پیرس اٹی فرانس نا صدر ایمانوئل میکرون نا سلہ غا ’’نیوگلوبل فائنانسنگ پیکٹ سمٹ‘‘ اٹی بشخ ہلنگ ءِ۔ دفترخارجہ نا ترجمان ممتاز زہرہ بلوچ پنچ شنبے نادے آ داڑے پریس حوال اٹی پارے کہ وزیراعظم سروکی دیوان اٹی بشخ ہلنگ کن اِرادے ئی دورہ غافرانس اٹی ءِ، او جہانی مالیاتی ادارہ غاتیٹی اصلاحات، موسمیاتی فنانس، گرین انفراسٹرکچر، ایس ڈی جیز نا دوئی کننگ و وام تا بابت ایسری کن پاکستان نا نقطہ نظر و سلاہ تے پیش کیک۔ وزیراعظم سویلی افریقہ نا صدر ماتا میلا سیرل راما فوسا، چین نا وزیراعظم لی کیانگ و یورپی کمیشن نا صدر ارسلاوان ڈیرلیین تون اوار شریک راہشون آتون ہم اوڑدہی کیک۔
