ملتان۔21جون (اے پی پی): مزن وزیر ءُ پاکستان پیپلز پارٹی ءِ وائس چیئرمین سید یوسف رضا گیلانی ءَ گوشتگ کہ شہید ذوالفقار علی بھٹو ءَ پاکستان ءَ را کانود داتگ، ایٹمی پروگرام ءِ بنگیج کتگ ءُ شہید بے نظیر بھٹو وتی پت ءِ مشن ءَ را دیم ءَ بہ براں۔ اے ھیالانی درشانی آئی ءَ چار شمبے ءِ روچ ءَ ہائیکورٹ ملتان بنچ ءَ میڈیا ءِ گوما گپ ءُ تران ءِ ساھت ءَ کت۔ آئی ءَ گوشت کہ شہید بے نظیر بھٹو عالم اسلام ءِ اولی زالبولیں مزن وزیر بوتگ۔ آئی ءَ مدسام جمہوریت ءِ سر بلندی ءِواستہ کار کتگ مرچی ما آئی ءِ ودی بوھگ ءِ روچ ءَ برجم دارگ ءَ آں۔ یک جستے ءِ پسو ءَ آئیءَ گوشت کہ اے وھد ءَ جاور ھال ایش انت کہتوامیں سٹیک ہولڈرز آناں یکجائیءَ نندگ ءُ سول ءُ تران کنگ لوٹ ائیت۔ آئی ءَ گوشت کہ ایندگر توامیں ملک آناں بچار ات کہ آھوادا حکومت کاینت ءُ رونت بلے آوانی عمشیت ءِ سر ءَ اچ رنگیں پرک نہ کپ ائیت۔ پیسریگیں مزن وزیر ءَ گوشت کہ پاکستان ءِ توامیں دمگ آنی الس آناں آوانی ھک بہ رس ائیت۔ آئی ءَ گوشت کہ 9 مئی ءَ فوجی ماڑی آنی سر ءَ ارش کنگ بوتگ اے رنگ ءَ سول ماڑی آنی سر ءَ ارش ھم رد انت۔ بلے جیایچ کیو ءِ سر ءَ ارش ، شہید آنی یاتگیر آنی سر ءَ ارش انچیں جرم انت کہ ایشانی سر ءَ فوجی آمید گس آنی تہءَ کیس بہ چل انت۔
