اسلام آباد۔ 21 جون (اے پی پی) وزیراعظم شہباز شریف پارینے کہ بنائی تعلیم شخصیت نا جوڑ کننگ و چناتا کیریئر کن اہم ءِ، پاکستان لرننگ کانفرنس گچین جہانی وڑوڈول نا رداٹ چناتے واکدار کننگ اٹ کمکار مریک۔ چارشنبے نادے آ تینا ٹویٹ اٹی وزیراعظم پارے کہ چناک تینا تعلیمی سفر نا بنائی ریسہ ٹی راجی طرز عمل نا بنداوی اصول و قدر ءِ تینا کیرہ۔ پاکستان لرننگ کانفرنس2023نا اڈتننگ نا پڑو ءِ کرسا خوشی مننگ ءِ ہرانا مسخت چناتے جہانی وڑوڈول نا رداٹ واکدار کننگ کن بنداو اس فراوان کننگ ءِ۔ وزیراعظم پارےکہ اوکانفرنس اٹی بشخ ہلنگ و چندی پس منظر آن تعلق تخوک آ اسکالر و پالیسی ساز آتا چندی نقطہ نظر ءِ بِننگ نابھاز خواہندار ئسک ولے پیرس اٹی جہانی مالیاتی کانفرنس اٹ پاکستان نا نمائندگی ءِ کننگ نا سوب آن داوڑ کننگ کپنہ ولے او کانفرنس کن نیک است خواہی تا درشانی ءِ کیک و چناتیکن اسہ گچین و خوشگوار آخبت اسے نا جوڑ کننگ کن اوناسلاہ و سوج آتا چاری ءِ۔
