کوئٹہ۔ 21 جون (اے پی پی) گورنر بلوچستان ملک عبدالولی خان کاکڑ پارینے کہ گچین طرز حکمرانی نا تغ ءِ پورو کننگ کن ننے تینا غٹ ادارہ غاتے سوگو و محکم کروئی مریک ۔ داخیال آتا درشانی ءِ او چارشنبے نادے آ 97 می پولیس پاسنگ آؤٹ نا وخت آ اڈ ہلوک دود آن تران کرسا کرے داوخت آ آئی جی پولیس عبدالخالق شیخ تون اوار کمانڈنٹ ڈاکٹر فرحان زاہد و ڈپٹی کمانڈنٹ اورنگزیب ئسک ہم اوڑتون اوار ئسر گورنر بلوچستان پارے کہ گچین طرز حکمرانی نا تغ ءِ پورو کننگ کن ننے تینا غٹ ادارہ غاتے سوگو کروئی مریک۔ گورنر بلوچستان مستی پارے کہ صوبہ ٹی پائیدار امن و الس نا جان و مال انا رکھ انا بابت محکمہ پولیس نا کوشست ستاکڑزک۔ اوپارے کہ پولیس ٹریننگ کالج ءِ بے سلنگ آن بجلی نافراوانی کن سولر سسٹم نا بست وبند بھاز المی ءِ۔ نن تینا پولیس نا سپاہی تیا گمر کینہ و نن اوفتا ہرقربانی ءِ قدر انا نظر اٹ ہرنہ۔
