اسلام آباد۔ 20 جون (اے پی پی) الیکشن کمیشن چیئرمین پی ٹی آئی عمران خان، اسد عمر و چوہدری فواد حسین نا برخلاف توہین الیکشن کمیشن نا کیس انا ڈکھ فیصلہ ءِ بنفے۔ سے شنبے نادے آ ممبر سندھ نثار درانی نا کماشی ٹی چار باسکی کمیشن سماعت کرے۔ الیکشن کمیشن پی ٹی آئی نا اعتراض آتیا ڈک فیصلہ ءِ بنفے۔ فریق آتا کنڈآن وکیل فیصل چوہدری الیکشن کمیشن پیش مس و موقف اختیار کرے کہ الیکشن کمیشن نا تدوک آ سماعت نا ہچ ءُ آرڈر اس موصول متنے۔ ممبر کمیشن نثار درانی پارےے کہ فریق آک اینو ہم الیکشن کمیشن اٹ پیش متوس۔ الیکشن کمیشن پی ٹی آئی نا اعتراض آتے مسترد کرے۔ الیکشن کمیشن نا چیئرمین پی ٹی آئی، اسد عمر و چوہدری فواد حسین آ چارج فریم کننگ نا فیصلہ کننگا۔ کیس انا سماعت 11 جولائی اسکان ملتوی کننگا۔
