اسلام آباد۔ 20 جون (اے پی پی) اسپیکر قومی اسمبلی راجہ پرویز اشرف تون بوسنیا ہرزیگوینا نا دزکش مروک آ سفیر ثاقب فورک سے شنبے نادے آ پارلیمنٹ ہاؤس اسلام آبادا ٹی سپاروکی اوڑدہی کرے۔ اوڑدہی ٹی پارلیمانی رابطہ و ہڑتوم آ کنڈآتا تعلقداری تے سوگو کننگ اٹ بوسنیا و ہرزیگوینا نا دزکش مروک آ سفیر ثاقب فورک نا کڑد انا ستاءِ کرے۔ اسپیکر قومی اسمبلی راجہ پرویز اشرف پارے کہ ہڑتوم آ ملک آک اسیجاقدر و امن و شونہالی نا اسیجائی عزم اتون گنڈوک ءِ۔ اوپارے کہ پاکستان بوسنیاتون واپار، زرکاری، سیل و سوات تون اوار چندی بشخ آتیٹی کمکاری ٹی ودکی نا خواہندار ءِ۔ اومستی پارے کہ پاکستان بوسنیا تون دودوربیدگی و زرگزرانی کمکاری ءِ مون آ دننگ کن سنبرینگوک ءِ۔ بوسنیا ہرزیگوینا نا سفیر ثاقب فورک پاکستان اٹ تینا اڈکننگ اٹ مہمانداری آ حکومت پاکستان و پاکستانی الس نا منتواری ءِ ہرفے۔ اوبوسنیا ہرزیگوینا نا پاکستان تون ہڑتوم آ کنڈآتا تعلقداری تے پین ودفنگ نا عزم انا درشانی ءِ کرے۔ اوڑدہی ٹی ہڑتوم آ ملک آتا الس نا راجی آسودہی کن خڑکی دوستانہ تعلقدار ی تے پین سوگو کننگ نا عزم انا ہم درشانیءِ کننگا۔
