اسلام آباد۔ 19 جون (اے پی پی) صدر آزاد جموں و کشمیربیرسٹر سلطان محمود چوہدری پارے کہ آسٹریلیا کشمیر نا ویل انا ایسری کن تینا کڑد ءِ اداکے، آسٹریلیا نا انسانی حق آ اسہ گچین ءُ ٹریک ریکارڈ اسے، و آسٹریلیا پاکستان آنبار دولت مشترکہ نا ہم باسک ءِ و ہنداوڑ آسٹریلیا نا پاکسان و بھارت ہڑتوم آملک آتون اسہ وڑ و دوستانہ تعلقداری ءِ، ہنداسوب آن آسٹریلیا کشمیر نا ویل انا ایسری کن گچین ءُ کڑد اس ادا کننگ کیک، داخیال آتا درشانی ءِ او دوشنبے نادے آ داڑے ایوان صدر کشمیر ہاؤس اسلم آباد اٹی پاکستان اٹ تعینات آسٹریلیا نا ہائی کمشنر مسٹر نیل ہاکنز تون اوار آسٹریلین ہائی کمیشن نا اسہ ڈل اسے تون سرجم اوڑدہی ٹی کرے۔ داوخت آ آصدر آزاد جموں و کشمری بیرسٹر سلطان محمود چوہدری مستی پارے کہ مقبوضہ کشمیر اٹی انسانی حق انا حالیت آک بھاز مخدوش ءُ، ہموڑے بھلو کچ اسے آ انسانی حق انا لتاڑنگ برجاءِ ہنداسوب آن انٹرنیشنل کمیونٹی خاص وڑاٹ آسٹریلیا ڈیہہ اٹی امن کن کشمیر نا ویل ءِ ایسر کرفنگ کن تینا کڑد ءِ ادا کے۔ داوخت آ صدر آزاد جموں وکشمیر بیرسٹر سلطان محمود چوہدری و پاکستان اٹ تعینات آسٹریلیا نا ہائی کمشنر مسٹر نیل ہاکنز نا نیام اٹ تین پہ تینی است خواہی تون اوار ایلو امور تیا ہم گپ وتران کننگا۔
