حکومت ملک اٹی مواصلات ءِ پوسکن آ وڑتتون ہم گرنچ کننگ کن اولیتی بنداو تیا گام گیج کننگ اٹی ءِ، وزارت ڈٹ بندی

اسلام آباد۔ 19 جون (اے پی پی) وزارت ڈٹ بندی پارینے کہ بنجائی حکومت ملک اٹی مواصلات نا بشخ ءِ پوسکن آ وڑتتون ہم گرنچ کننگ کن اولیتی بنداو تیا گام گیج کننگ اٹیءِ۔ وزارت نا کنڈآن جاری بیان نا رداٹ تدوک آ دے سینٹرل ڈویلپمنٹ ورکنگ پارٹی پہاڑ پورسدرہ موڑ (N-55) روڈ ڈی آئی خان ڈویلپمنٹ پیکج نا منظوری ءِ تس ہرانا مالیت 2،678.251ملین روپئی ءِ، کنڈل انٹرچینج (M-14) آن تاجازئی روڈ (N-55) ڈی آئی خان ڈویلپمنٹ پیکج نا اپ گریڈیشن کن 9،224.950 ملین روپئی، سکھر ملتان موٹروے آ بھونگ انٹرچینج نا تفنگ (M 5) بھونگ صادق آباد کن (نظرثانی مروک) 1،826.569 ملین روپئی، لاہور سیالکوٹ موٹروے آ انٹرچینج نا تفنگ (Lsm) کن 1،446.46 ملین روپئی، سکھر ملتان موٹروے آ جمال دین والا انٹرچینج (M-5) کن 448.502روپئی، لاہور عبدالحکیم موٹروے (M-3) آ تارے گڑھ انٹر چینج نا تفنگ، واربرٹن ، ڈسٹرکٹ ننکانہ صاحب نا مخلوق نا آسراتی کن 1،596.529ملین روپئی، کراچی شپ یارڈ انا اپ گریڈیشن کن 9،963.607ملین روپئی، کراچی نا لوڈ آؤٹ سٹیشن آ قاسم ریل فریٹ ٹرمینل نا جوڑ کننگ کن 4،293.068ملین روپئی، M-3نا تفنگ کن 1،332.828روپئی، خوازہ خیلہ ۔ بشام ایکسپریس وے انا تفنگ کن 79،130.878ملین روپئی، 16،204.303ملین روپئی نا سندھ کوسٹل ہائی وے نا تفنگ و کچھی کینال پروجیکٹ نا بحالی و نوکاپ آن مروک آ نسخان 2022کن 8،569.253روپئی نا سفارش کننگانے۔