اسلام آباد۔ 19 جون (اے پی پی) اسپیکر قومی اسمبلی راجہ پرویز اشرف یونان اٹی کشتی شکست آ است ہسونی نا درشانی ءِ کرسا پارینے کہ کودک مخلوق ءِ روزگار نا جھانسہ ترسا انسانی اسمگلنگ اٹ اوار زموار آتون سختی اٹ مون تننگے، پاکستان نا ترسیلات آتے بند کننگ نا اگہ کس اس ہیت ءِ کرے تو دا قابل مذمت ءِ۔ دوشنبے نادے آ قومی اسمبلی نا دیوان اٹی وزیر دفاع خواجہ آصف نا کنڈآن چست کروک آ ٹک آتیا تینا ریمارکس اٹی اسپیکر پارے کہ کودک مخلوق ءِ روزگار نا جھانسہ ترسا ڈوہ انا مرتب مروک آ زموار آتون حکومت سختی اٹ مون تننگ و اوفتے قرار واقعی سزا تننگے۔ اوپارے کہ وائس چانسلر آک ننکن قابل احترام ءُ۔ او پارے کہ اگہ کس اس انفرادی وڑاٹ پاکستان نا زرراہی تس ءِ بند کننگ نا ہیت ءِ کرینے تو دا قابل مذمت ءِ۔ پیشن ناملک رہینگوک آ پاکستانیک میرات ءُ، انسانی اسمگلنگ نا بابت حکومت قرارداد اس اتنگ خواہک تو اتنگ کیک۔
