اسلام آباد۔ 19 جون (اے پی پی) جماعت اسلامی نا قومی اسمبلی نا باسک مولانا عبدالاکبر چترالی پارینے کہ انسانی اسمگلنگ اٹ اوار زموار آتے دمدستی دزگیر کننگے، پوسکن ءُ کانود جوڑ کننگ نا ہچ ءُ گرج اس اف مہالو آن ساڑی کانود آتیا عملدرآمد ءِ پک کننگے۔ دوشنبے نادے آ قومی اسمبلی ٹی اعتراضی ٹک آ مولانا عبدالاکبر چترالی پارے کہ ننا وزیر دفاع انتس کہ پارے اوڑتون اتفاق کینہ، ہُننگ نا ہیت دادے کہ ملک ءِ ہلسا مخلوق انت اکن ہِننگ ءُ، پوسکن ءُ کانود جوڑ کننگ نا ہچ ءُ گرج اس اف مہالو آن کانود آتیا عملدرآمد کننگ ناگرج ءِ، اوپارے کہ شکست نا دمدستی پد اوار زموار آتا دزگیری بناکرے، انسانی اسمگلنگ اٹ اوار بندغ آتے دمدستی دزگیر کننگے۔
