اسلام آباد۔18جون (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشت کہ حکومتی گامگیج ءُ فلم انڈسٹری ءَ را داتگیں آسراتی آں چہ امیت انت کہ آیوکیں دھ سال آنی تہ ءَ اے شوبگ ھمساھگیں ملک آنی گوما مقابلہ ءَ بیت، فلم ءِ جوڑیشت ءَ را ٹیکس آں چہ یلو کنگ ءَ چہ اے پڑ برجا بیت، نیامی تبک ءِ مردم آنی انٹرنیٹ منٹ ءِ واستہ سینیما وتی ٹکٹ آنی نیاد ءَ را کم بکن انت۔ سکرین ٹورازم پاکستان ءِ پازیٹیو ریزلٹ آناں سہرا، ایشی ءِ دود ءُ ربیدگ ءَ را سہرا کنگ ءَ یک جوانیں موہ ءُ وسیلگ ات۔ ، حکومت ءَ 2 ارب کلدار ءِ کساس ءَ چہ فلم فنانس فنڈ برجا کتگ۔ اے فنڈ ءَ چہ فلم جوڑیشت ، مسلی فلم ءُ کسمانک آنی جوڑیشت ءَ فنڈنگ کنگ بیت۔ اے ھیالانی درشانی آئی ءَ آسٹریلیا روانگ بوھوکیں نیشنل امیچور فلم فیسٹیول ایوارڈ ءِ 25 ہائی اچیور نودربر آں گوں گشتانک دیان ءَ کت۔ آ دو شمبے ءَ نیشنل امیچور فلم فیسٹیول ایورڈ ءَ بھر زوری ءِ واستہ آسٹریلیا ءَ روانگ بوھگ ءَ انت۔
