مزن وزیر محمد  شہباز شریف  ءَ  یونان ءَ  لانچ  ءِ چپ  بوھگ  ءَ   چہ پاکستانی  آنی    بیران   بوھگ ءِ ھوالگ ءَ   ترندی ءَ گوں  نوٹس  زتگ  ،   واکیہ  ءِ پٹ ءُ پول ءِ ھاترا  چار باسکی  مزن تکی  کمیٹی  ءِ جوڑ کتگ،  دو شمبے ءَ   پرس  دارگ  ءِ جار  جتگ

لاہور/اسلام آباد۔18جون  (اے پی پی): مزن وزیر  محمد  شہباز شریف ءَ یانان ءَ  لانچ   ءِ چپ  بوھگ  ءِ سبب  ءَ  پاکستان    آنی  بیران    بوھگ  ءِ  بابت ءَ   نوٹس زوران  ءَ  واکیہ ءِ پٹ  ءُ   پول ءِ  واستہ چار  باسکی  مزن  تکی  کمیٹی  ءِ جوڑ  کتگ۔  مزن وزیر  ءَ    زیک دو شمبے  ءَ   پرس  دارگ  ءِ جار  جتگ،    پرس   دارگ ءِ موہ  ءَ راجی   بیرک  ءِ   سر  جھل  کنگ  بیت ءُ بیران  بوھوک  آنی واستہ   نیک دعا  لوٹگ  بیت۔ مزن وزیر  کارگس ءِ  میڈیا ونگ  ءِ نیمگ ءَ  جاڑی بوتگیں    ھال آنی رد ءَ  یک شمبے  ءَ    مزن وزیر ءَ یونان ءَ   14  جون ءَ بوھوکیں  لانچ  ءِ چپ  بوھگ ءِ   ھوالگ  ءَ    گوں ترندی ءَ نوٹس  زرتگ   ءُ واکیہ  ءِ  پٹ ءُ پول ءِ     واستہ چار  باسکی  مزن تکی  کمیٹی ءِ  ھم  جوڑ  کتگ۔   نیشنل  پولیس  بیوررو  ءِ ڈائریکٹر  جنرل احسان  صادق   کمیتی  ءِ چیئرمین   نامینتگ   بوتگ  وھدیکہ  وزار  ءِ درئی  کار  ءِ ایڈیشنل  سیکرٹری   افریقہ   جاوید احمد  عمرانی  ءَ را کمیٹی ءِ باسک   نامینتگ۔   ھمے  رنگ ءَ آزات  جموں کشمیر  پونچھ  ریجن  ءِ ڈی  آئی  جی سردار  ظہیر احمد  ءُ وزارت  ءِ  تہی کار ءِ جوائنٹ  سیکرٹری  ایف آئی اے  فیصل  نصیر  ھم کمیٹی  ءَ ھوار انت۔