لاہور۔18جون (اے پی پی):مزن وزیر محمد شہباز شریف ءَ یونان ءِ نزیک ءَ لانچ ءِ چپئی بوھگ ءِ ھوالگ ءَ انکوائری کنگ ءِ پنت ءُ شون کتگ ءُ گوشتگ کہ بنی آدم آنی شپوکی کنگ کار ءَ گوں دست مانجنیں مردم آنی ھلاپ ءَ کاروائی کنگ بہ بیت ءُ ا ے کار ءِ استیں ایجنٹس آنی ھلاپ ءَ ھم کریک ڈاون ءُ ایشاناں کانود ءِ پنج ءَ گرگ ءُ کبس ءَ کنگ بہ بنت۔ مزن وزیر کارگس ءِ نیمگ ءَ جاڑی بوتگیں جار آنی رد ءَ مزن وزیر ءَ کانود ءَ را مھکم داروکیں ادارگ آناں پنت ءُ شون کتگ ءُ اے پنت ءُ شون آنی رد ءَ دست مانجنیں مردم آنی شوہازگ ءِ واستہ ایف آئی اے ءَ ڈی آئی جی عالم شنواری ءِ واکیہ ءَ بیران بوھوکیں مردم ءُ ٹپیگ آنی آسراتی ءِ واستہ فوکل پرسن نامینتگ۔ چیف سیکرٹری آزات جموں کشمیر ءَ ھم پاکستانی سفارت خانہ ءُ یونان ءِ کارندہ آں گوں رابطہ ءُ بیران ءُ ٹپیگ بوھوکں مردم آنی مالوم داری ءِ واستہ فوکل پرسن پوسٹ کتگ۔
