اسلام آباد۔17جون (اے پی پی): مزن وزیر محمد شہبا زشریف ءَ گوشتگ کہ منی دعا اے گمیگیں ھاندان ءِ گوما انت، ھما واں کہ یونان ءِ تیاب ءَ بد بھتی ءَ چہ لانچ ءِ پرشگ ءُ بکگ ءِ سبب ءَ آوانی دوستگیں مردم بیران بوتگ انت۔ شمبے ءِ روچ ءَ وتی ٹویٹ ءَ مزن وزیر ءَ گوشتگ کہ ایتھنز ءَ مئے سفارت خانہ ءَ ہیلینک کوسٹ گارڈ ءِ وسیلگ ءَ سیو کتگیں 12 پاکستانی آنی پجاروکی کنگ بوتگ۔ گیشتریں تاجگیں ھال آنی واستہ سفارت خانہ یونان ءِ کارندہ آنی گوما یک شل ءَ رابطہ ءَ انت۔
