اسلام آباد۔ 16 جون (اے پی پی) وزیراعظم محمد شہباز شریف پارینے کہ پاکستان نا شونداری بلوچستان نا شونداری تون گنڈوک ءِ، حکومت بلوچستان اٹی سی پیک نا شونداری ڈٹ آتیا اولیتی بنداوتیا کاریم کننگ اٹی ءِ، بلوچستان نااصل میرات باصلاحیت بلوچ ورناک ءُ، حکومت بلوچستان نا ورناتے بڑزکو تعلیم، کسبی تربیت و لیپ ٹاپ فراوان کیک۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف تون جعفر خان مندوخیل نا کماشی ٹی مسلم لیگ (ن) بلوچستان نا 8 باسکی ڈل اوڑدہی کرے۔ ڈل اٹی جمال شاہ کاکڑ، سردار یعقو ب ناصر، آغاشاہ زیب درانی، عامر افضل مندوخیل، چوہدری نعیم، نصیر اچکزئی و ظہیرخان کاکڑئسک اوار ئسر۔ اوڑدہی ٹی ملک انا ساڑی سیاسی حالیت آتیا سرجمی اٹ سلابت کننگا۔ ڈل بروک آ مالی سال انا بجٹ اٹی بلوچستان کن خصوصی ڈٹ آتے اوار کننگ آ وزیراعظم نا منت واری ءِ ہرفے۔
