اسلام آباد۔ 16 جون (اے پی پی) نیشنل ڈیزاسٹر مینجمنٹ اتھارٹی (این ڈی ایم اے ) نا کمک اٹ مسہ دے ئی ایکسپو 12 آن 13 جولائی آ اسلام آباد اٹی مریک۔ ایکسپو نا مسخت غٹ اسٹیک ہولڈر آتے اسہ چھت انا کیرغ آن جمع کرسا آفت و ہلہلہ ئی حالیت آتون مون تننگ ءِ پین گچین کننگ ءِ۔ این ڈی ایم آفت و ہلہلہ ئی حالیت آتون مون تننگ کن پاکستان اٹ اولیکو وار ڈیزاسٹر رسک رڈکشن نا بابت ایکسپواس اڈتننگ ءِ۔ ایکسپو نا مسخت تین پہ تینی کمکاری، ہیل کننگ نا آزموندہ، خیال آتا ہل وتس، پٹ وپول نا مسخت آتا صف بندی، ٹیکنالوجی ءِ تینا کننگ، آخبت نا حکمت عملی تون اوار، ٹیلنٹ ہنٹ و پوسکن آ ایسر اس پٹنگ ءِ۔ ڈیزاسٹر رسک رڈکشن نا دود آن تران اٹی چیئرمین این ڈی ایم اے لیفٹیننٹ جنرل انعام حیدر پارے داوخت آ نن نوکاپی حالیت آتون اوار سمندری طوفان بپر جوائے تون مون تننگ اٹی اُن۔ اوپارے کہ این ڈی ایم اے سمندری طوفان بپرجوائے ءِ حوالہ پیشگی حوال اِرا تُو مست تسوسس۔ اونا پاننگ ئس کہ کانفرنس نا اسٹیک ہولڈرآتے یکجا کرسا آفت و ہلہلہ ئی حالیت آتون مون تنگن نا وڑوڈول ءِ پین گچین کننگ ءِ۔ اوپارے کہ ترکیہ و شام اٹی زمی جمب آن مروک آ بھسکاری تیکن پاکستانی ریسکیو ٹیمک زمی جمب آن زہمی تا بحالی کن بے مٹ کڑد ادا کریر۔
