اسلام آباد۔ 16 جون (اے پی پی) بحیرہ عرب آن بش مروک آ بے کچ ترند سمندری طوفان بائپر جوائے پین نزور مرسا کیٹیگری ون نا سمندری طوفان اٹ بدل مس وخت اس کہ جمعہ نا شام اسکان اونا شدت پین کم مننگ نا گمان ءِ۔ نیشنل ڈیزاسٹر مینجمنٹ اتھارٹی نا رداٹ جمعہ ناپیشیم سمندری طوفان کیٹی بندر آن 145، ٹھٹھہ غان 169 و کراچی آن 230 کلومیٹر سویل دے ٹک اٹی ئسک۔ طوفان نا کہول آ تہو انا رفتار 80 آن 90 کلومیٹر فی گھنٹہ وخت اس کہ اونا مرکز نا گرد 110 کلومیٹر فی گھنٹہ ریکارڈ کننگا۔ سمندر اٹ لہرآتا بڑزی 10 آن 12 فٹ بڑز ئسک، یات سلے کہ طوفان نا پاکستان نا کرکی پٹی آ گمانی اثرآک اونا پین پیش رفت آ منحصر ءُ، تعلقدار ادارہ غاک ہروڑنا ہلہلہ ئی حالیت آتون مون تننگ کن تیار ءُ۔ طوفان نا پور و اثرآتا چٹنگ اسکان الس ءِ محتاط مننگ نا مشورہ تننگانے۔
