اسلام آباد۔ 16 جون (اے پی پی) بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ بحیرہ عرب آن بش مروک آ سمندری طوفان بپر جوائے بھارتی گجرات اٹی لینڈ فال ءِ پورو کرینے، پاکستان پورو وڑاٹ تیار ئسک ولے بھلو حد اسسکان اوڑان رکھ مس۔ جمعہ نادے آ تینا اسہ ٹویٹ اسے ٹی اوپارے کہ طوفان نا سوب آن سطح سمندر بڑز مننگ نا سوب آن سندھ اٹی سجاول کون آ کیبی کرکی علاقہ غاتے دِیر ہرفینے ولے رکھی گام گیج نا وڑاٹ زیات تر مخلوق ءِ رکھ ہند آتیا گدریفنگاسس۔ بنجائی وزیر پارے کہ زند آتے بچفنگ کن شاندار ومربوط کوشست کننگا ہراڑا غٹ شریدار آتا منت واری ءِ ہرفنہ۔
