اسلام آباد۔ 16 جون (اے پی پی) بحیرہ عرب آن بش مروک آ بے کچ ترند سمندری طوفان بپر جوائے شدت اٹی کمتی آن پد ترند سمندری طوفان اٹی بدل مس، طوفان نا مرکز نا گردتہو انا رفتار سد آن ہشتاد کلومیٹر فی گھنٹہ مسنے۔ نیشنل ڈیزاسٹر مینجمنٹ اتھارٹی نا رداٹ طوفان بھارتی گجرات نا کرک ءِ عبور کننگ آن پد نزور مسنے و شام اسکان شدت پین کم مننگ آن پد اونا درجہ بندی ڈپریشن اٹ بدل مریک۔ طوفان نا پاکستان نا کرکی پٹی آ گمانی اثژژر آک اونا پین پیش رفت آ منحصر ءُ۔ تعلقدار ادارہ غاک ہروڑنا ہلہلہ ئی حالیت آتون مون تننگ کن تیار ءُ۔ طوفان نا پورو اثرآتا چٹفنگ اسکان الس ءِ محتاط سلنگ نا مشورہ تننگانے۔ داکان مست سمندری طوفان بپرجوائے بھارتی گجرات نا کرکی پٹی آ پورو لینڈ فال کرینے ہرا کیٹی بندر آن 125 کلومیٹر سویل دیکی ٹی ءِ۔
