اسلام آباد۔ 16 جون (اے پی پی) پیٹرولیم مصنوعات آتا درآمد آتیٹی برجامالی سال انا اولیکو 11 تُو اٹی سالانہ بنداو تیا 22 درسد نا کمتی ریکارڈ کننگانے۔ پاکستان بیورو شماریات نا کنڈآن دا بابت جاری کروک حساب وکتاب نا رداٹ جولائی آن مئی 2023 اسکان نا مد اٹی پیٹرولیم مصنوعات آتا درآمد آتا کچ 15.38 ارب ڈالر ریکارڈ کننگا ہرا تدوک آ مالی سال انا ہندا مد اٹی 19.67 ارب ڈالر ئسر، مئی ٹی پیٹرولیم مصنوعات آتا درآمد آتیا1.408 ارب ڈالرنا زرمبادلہ خڑچ مس ہرا اپریل نا مقابلہ ٹی 58 درسد زیات ءُ، اپریل اٹی پیٹرولیم مصنوعات آتا درآمد آتیا 891 ملین ڈالر نا زرمبادلہ خڑچ مسوسس، تدوک آ سال مئی نا مقابلہ ٹی برجاسال مئی ٹی پیٹرولیم مصنوعات آتا درآمد آتیٹی سالانہ بنداو تیا 47 درسد نا کمتی ریکارڈ کننگانے، تدوک آ سال مئی ٹی پیٹرولیم مصنوعات آتا درآمد آتا کچ 2.646 ارب ڈالر ریکارڈ کننگاسس ہرا برجاسال مئی ٹی کم مرسا 1.408 ارب ڈالر مسر۔
