اسلام آباد۔ 16جون (اے پی پی) وزیر مملکت خزانہ ڈاکٹر عائشہ غوث پاشا پارینے کہ سندھ انا نوکاپ زہمی تا بحالی و پوسکن تفنگ نا بابت پی ڈی ایم اے کاریم کننگ ءِ، بنجائی حکومت صوبائی حکومت تون اواری اٹ تولسا دا باندات نا جاچ ءِہلیک وخت اس کہ پیپلزپارٹی نا باسک قومی اسمبلی سید غلام مصطفیٰ شاہ نا پاننگ ئس کہ وزیراعظم سندھ انا نوکاپ زہمی تا بحالی کن 100 ارب روپئی نا قول ءِ پورو کے۔ جمعہ نادے آ قومی اسمبلی نا دیوان اٹی سید غلام مصطفیٰ شاہ نا کنڈآن چست کروک ٹک آتا ورندی ٹی وزیر مملکت خزانہ عائشہ غوث پاشا پارے کہ اوداہیت ءِ نوٹ کرینے۔ اوپارےکہ نوکاپ زہمی تا بحالی نا بابت پی ڈی ایم اے کاریم کننگ ءِ، دا صوبائی حکومت نا زمواری ءِ ولے ولدا ہم نن صوبائی حکومت تون اواری اٹ تولسا دا باندات نا جاچ ءِ ہلینہ۔ داکان مست سید غلام مصطفیٰ شاہ تینا بجٹ تقریر اٹی پارے کہ سیوتی حکومت نا شریدار اُن، وزیراعظم نوکاپ آن زہمی تیکن 100 ارب روپئی نا پڑو کریسس۔
