اسلام آباد۔14جون (اے پی پی): مزن وزیر محمد شہباز شریف ءَ گوشتگ کہ آزربائیجان ءِ گفوما دو نیمگی سیاسی یکوئی آناں تجارت ءُ سرمایہ کاری ءِمھکمیں رابطہ آنی تہءَ مٹ کنگ مئے ٹارگٹ انت، اول سرئی تجارت ءِ منوگری آناں زوت پکوئیں رنگ دیگ ، ھاٹیگ ، بینکاری، مالیاتی ازمت ءُ آئی ٹی ءِشوبگ ءَ کمک آنی دیمروئی ءِ واستہ آزربائیجان ءِ سروک آنی گوما گپءُ تران کناں۔ چا ر شمبے ءِ روچ ءَ وتی ٹویٹ ءَ مزن وزیر ءَ را گوشت کہ آزربائیجان ءِ صدر الہام علیوف ءِ دعوت ءِپد ءَ آ آزربائیجان ءِ تر ءُ تاب ءَ روانگ بوھگ ءَانت۔ اے تر ءُ تاب دو نیمگی کمک آنان مھکم جوڑ کنگ ءُ مھکمیں شریکداری ءِ مئے حکومت ءِ پالیشی آنی بھر انت۔ آئی ءَ گوشت کہ اول سرئی تجارت ءِ منوگری آناں زوت پکوئیں رنگ دیگ ءِ ءُ ھاٹیگ ، بینکاری، مالیاتی ازمت ءُ آئی ٹی ءِشوبگ ءَ کمک آنی نوکیں کشک پج بوھگ ءِ واستہ آزربائیجان ءِ سروک آنی گوما ارزشتی ایں گپ ءُ تران بیت۔ آئیءَ گوشت کہ جوانیں دو نیمگی سیاسی یکوئی آنان تجارت ءُ سرمایہ کاری ءِ مھکمیں یکوئی ءَ مٹ کنگ مئے اولی بنیاتی ٹارگٹ انت۔ آئی ءَ گوشت کہ مئے ھاٹیگ ءِ رکھینگ ءِ پالیشی ءَ نیامی ایشیا بنجاھی بستار ءَ دار ائیت ءُ ما پاکستان ءَ را ھاٹیگ ءِ واستہ مھکم جوڑ کنگ ءِ وستہ نیامی ایشیائی ملک آنی گوما کمک ءَ را ودینگ ءِ واستہ جزمیگ آں۔
