اسلام آباد۔14جون (اے پی پی): مزن وزیر محمد شہباز شریف آزربائیجان ءِ صدر الہام علیوف ءِ داتگیں دعوت ءِ پد ءَ دو روچی سرکاری تر ءُ تابءِھاترا ءَ آزربائیجان ءِ واستہ روانگ بوتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیانءِ رد ءَ وزیر ءِ دیمپان خواجہ آصف ، بنجاھی وزیر تجارت سید نوید قمر، بنجاھی وزیر اھوالکاری ءُ شنگ کاری مریم اورنگزیب ، وزیر ءِ مملکت برائے پٹرولیم ڈاکٹر مصدق ملک ءُ ھاسیں کمکار طارق فاطمی مزن وزیر ءِ ھمبراہ اتنت۔ آزربائیجان ءَ مزن وزیر صدر الہام علیوف ءِ گوما گند ءُ نند بیت۔ دوئیں ملک آنی نیام ءَ تجارت آنی دیمروئید ءُ ھاٹیگ ءِ شوبگ ءَ کمک ءِواستہ مزن وزیر ءَ گوں آزربائیجان ءِ وزیر آنی ڈل ءِ گوما گند ءُ نند ھم بیت۔
