اسلام آباد۔14جون (اے پی پی): مزن وزیر محمد شہباز شریف آزربائیجان ءِ صدر الہام علیوف ءِ دعوت ءِ پد ءَ وتی دو روچی سرکاری تر ءُ تاب ءَ باکو ءَ آزربائیجان ءَ پج اتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ باکو پجگ ءِ پد ءَ آزربائیجان ءِ اول نائب مزن وزیر یعقوب ایوبوف، نائب وزیر ءِ درئی کار البور ماما دوف، پاکستان ءَ آزربائیجان ءِ سفیر خضر فرہادوف ءُ آزربائیجان ءَ پاکستان ءِ سفیر بلال حئی ءَ مزن وزیر ءَ را وش اتک کت۔ مزن وزیر ءِ مزن وزیری ءِ سیٹ ءِ نندگ ءَ پد ءَ آزربائیجان ءِ ایش اولی تر ءُ تاب انت۔ مزن وزیر باندات (15 جون، 2023) ءَ باکو ءَ آزر بائیجان ءِ راجی سروک حیدر علیوف ءِ مزار ءِ سر ءَ روت ءُ پل آنی چادر ءِ ھم پر دنت۔ مزن وزیر آزربائیجان ءِ شہید آنی یاتگیر ءُ ادیرہ آنی سر ءَ روت۔ ایشی ءَ ابید مزن وزیر ءِ صدر الہام علیوف ءِ گوما گند ءُ نند ھم بیت۔ گند ءُ نند ءَ چہ پد دوئیں سروک میڈیا ءَ گوں تران کن انت۔ دوئیں ملک آنی نیام ءَ تجارت ءِ دیمروئی ءُ ھاٹیگ ءِ شوبگ ءَ کمک آنی واستہ مزن وزیر ءَ گوں آزربائیجان ءِ وزیر آنی ڈل ھم گند ءُ نند ھم بیت۔
