اسلام آباد۔ 15 جون (اے پی پی) وزیراعظم محمد شہباز شریف آذربائیجان نا قومی قائد حیدر علیوف نا مزار آ حاضری تس و پھل شاغا۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم محمد شہباز شریف آذربائیجان نا صدر الہام علیوف نا سلہ غا باکو آذربائیجان نا اِرادے ئی سرکاری دورہ غاٹی ءِ۔ وزیراعظم آذربائیجان نا قومی قائد حیدر علیوف  نا مزار آ حاضری تس و پھل شاغا۔ وزیراعظم زرہ سے آن پد آذربائیجان نا یات گار شہدانا دورہ ءِ ہم کیک۔ اوکان پد وزیراعظم نا صدر الہام علیوف تون اوڑدہی مریک۔ اوڑدہی آن پد ہڑتوم آ راہشون اسیجائی پریس کانفرنس کیرہ۔ ہڑتوم آ ملک آتا نیام اٹ واپار نا مون آ دننگ و توانائی نا بشخ اٹی کمکاری کن وزیراعظم تون اینو آذربائیجان نا وزیر آتا ڈل انا اوڑدہی ہم مریک۔

متعلقہ مضامینمصنف کی طرف سے مزید