اسلام آباد۔ 15 جون (اے پی پی) روشن ڈیجیٹل اکاؤنٹس نا کمک اٹ سمندر پار پاکستانی تا زر راہی تس نا کچ 6.22 ارب ڈالر آن گدرینگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ ستمبر 2020آن ہلیس مئی 2023نا ایسر اسکان سمندر پار پاکستانیک آرڈی اےنا کمک اٹ جم وڑاٹ 6.223ارب ڈالر نا زرمبادلہ ملک آ مون تسنو، مئی ٹی روشن ڈیجیٹل اکاؤنٹس نا کمک اٹ سمندر پار پاکستانیک 121 ملین ڈالر نا زرمبادلہ ملک آ مون تسر، حساب وکتاب نا رداٹ ستمبر 2020آن ہلیس مئی 2023اسکان نا مد اٹی سمندر پار پاکستانیک روشن ڈیجیٹل اکاؤنٹس نا کمک اٹ جم وڑاٹ 736 ملین ڈالر نا زرکاری کرینو، دا مد اٹی سمندر پار پاکستانیک پوسکن آ پاکستان روایتی سرٹیفکیٹ آتیٹی 324 ملین ڈالر، پوسکن آ پاکستان اسلامی سرٹیفکیٹ آتیٹی 389 ملین ڈالر و پاکستان اسٹاک ایکسچینج اٹی 18 ملین ڈالر نا زرکاری کریر۔
