اسلام آباد۔ 14 جون (اے پی پی) وزیراعظم محمد شہباز شریف آئی جے پی روڈ ءِ کیپٹن کرنل شیرخان شہید نا پن اٹ کرینے۔ چارشنبے نادے آ فیض آباد آن پیر ودھائی موڑ اسکان کیپٹن کرنل شیرخان شہید(مسکوہی آئی جے پی ) روڈ انا اول سرآن تفننگ ناڈٹ انابناءِ کرے۔ داوخت آ وزیراعظم مسکوہی آئی جے پی روڈ ءِ لمہ وطن نا دفاع کن بے مٹ جیرت، نرزوری ،و شجاعت نا درشانی ءِ کروک آ قوم انا ہیروکیپٹن کرنل شیرخان شہید(نشان حیدر) نا پن اٹ کننگ نا پڑو کرے۔ داوخت آ بنجائی وزیر داخلہ رانا ثناء اللہ ، بنجائی وزیرحوالکاری و شینکاری مریم اورنگزیب ، وزیراعظم نا خصوصی کمکار احد چیمہ، قومی اسمبلی نا باسک طاہرہ اورنگزیب، مسکوہی قومی اسمبلی نا باسک حنیف عباسی، ڈاکٹر طارق فضل چوہدری، ملک ابرار ، انجم عقیل خان، ملک شکیل اعوان و مسلم لیگ (ن) نا راہشون تیان بیدس چیئرمین سی ڈی اے نور الامین مینگل و کمشنر راولپنڈی لیاقت چٹھہ و ایلو تعلقدار محکمہ غاتا آفیسر وکارندہ غاک ساڑی ئسر۔ داروڈ 9.8کلومیٹرمریس سڑک فیض آباد آن پیر ودھائی موڑ(پشاور موڑ راولپنڈی) اسکان اول سرآن تفنگانے۔ دا ڈٹ اٹی 2 اوور ہیڈ برج جوڑ کننگانے۔ ساڑی حکومت نا برسراقتدار بننگ آن پد داڑاکاریم ءِ ترند کرسا وزیراعظم محمد شہباز شریف نا خصوصی پارت آ ریکارڈ مد اٹی پورو کننگانے۔ کیپٹن کرنل شیرخان شہید روڈ انا تفنگ آن فیصل آباد آن پیرودھائی موڑاسکان ٹریفک نا ہن و براٹی گچینی بریک وراولپنڈی اسلام آبا د نا نیام اٹ گڑاتا ات و در اٹی آسانی مریک۔ ہوی ٹریفک نا سوب آن مست دا روڈ گھنٹہ بلاک مسکہ۔ دا ڈٹ انا پوروی آن الس نا متکن آ ویل ایسر مسنے۔
