اسلام آباد۔ 14 جون (اے پی پی) صدر مملکت ڈاکٹر عارف علوی وطن کن خذمت و قربانی تیا شہید آتے خراج عقیدت پیش کرسا قوم انا کنڈآن اوفتا خاہوت آتا منت واری ءِ ہرفینے۔ ایوان صدر نا پریس ونگ آن چار شنبے نادے آ جاری بیان نا رداٹ صدر مملکت داخیال آتا درشانی ءِ پاک فوج انا شہید آتا خاہوت آتون ٹیل فون آ گپ وتران کرساکرے۔ اوشہید و اوفتا خاہوت آتا جوزہ ایثار آ اوفتے سلام پیش کرے۔ صدر مملکت شہید آتا وطن کن خذمت و قربانی تیا خراج عقیدت پیش کرے۔ صدر 9 جون آ میران شاہ ٹی شہید مروک آ ورناتا وارث آتون فون آ ہیت کرے۔ صدر مملکت صوبیدار اصغر، سپاہی نعیم شہید و محمد زمان شہید نا خاہوت تون گپ وتران کرے۔ صدر مملکت 31 مئی آ حیدر خیل اٹی شہید مروک آ سپاہی ثاقب الرحمان نا وارث آتون ہم ہیت کرے۔ صدر مملکت قوم انا کنڈآن شہیدآتا خاہوت آتا منت واری ءِ ہرفے۔ ڈاکٹر عارف علوی شہید آتیکن درجہ غاتا بڑزی نا ہم دعاکرے۔ اوخاہوت آتون ہمدردی و اوفتا صبر وجمیل کن دعاکرے۔

متعلقہ مضامینمصنف کی طرف سے مزید