اسلام آباد۔ 14 جون (اے پی پی) بنجائی وزیر میاں جاوید لطیف پارینے کہ نواز شریف تون 2017 ٹی زیاتی کروک آتے اوڑان معافی خواہسا اودے ریڈکارپٹ اس تالان کرسا وطن آ پدی اتنگے انتئے کہ نواز شریف جہانی کہول انا متبر لیڈر ءِ، اوڑان بیدس ملک چلینگ کپک، جہانی مالیاتی ادارہ غاک ریاست نا اندرونی باندات آتیٹی بایدے نیام تمپس۔ چارشنبے نادے آ قومی اسمبلی ٹی بروک آ مالی سال 2023-24نا بجٹ آ شرہ ٹی بشخ ہلسا بنجائی وزیر میاں جاوید لطیف پارے کہ 75 سال آن پد اولیکو موقع ءِ کہ اوڑا تنقید کروک آ ہم کس اس اف انتئے کہ او چارہ کہ چار سال اٹی اوفک ہچ اس ہلیتنو۔ سرکاری ملازم آتا تنخواہ تیٹی ودکی کننگا ولے دا غت گنج اس افس انتئے کہ مچ آ قوم مشکل آتا گواچی ءِ۔ اوپارے کہ جہانی مالیاتی ادارہ غاک ہم ریاست نا اندرونی باندات آتیٹی بایدے نیام تمپس، ننے ٹی دا نیام تمنگ داخاطران ءِ انتئے کہ تدوک آ منہ سال اٹی ملک ءِ ہر رداٹ نزور کننگا۔ اوپارے کہ ہرابندغ ملک ءِ حِس انا ڈھیر اس جوڑ کننگ نا کوشست کرے پیشن نا واکدارآک ہموبندغ ناکاٹم خواجہی ءِ کننگ ءُ۔ اوپارے کہ 9 مئی نا واقعہ ملک انا بنداو آتے سرفے، اسہ ہم سیاسی قوت اس دفاعی تنصیب آتے شست کتنے۔ اوپارے کہ اگہ 9 مئی نا واقعہ غا شاہدی مننگ آن پد ہم حقیقت مون آ اتنگپک و دہشت گرد و کمکار آتے اِلنگا تو ملک چلینگ کپک، پاکستان بیرہ آئین وکانود نا حکمرانی اٹ چلینگ انگ کیک۔
