سمندری طوفان نا رداٹ سندھ حکومت 80 ہزار آن اسہ لکھ بندغ ءِ رکھ ہند آتیا گدریفینے، بنجائی وزیرشازیہ عطاء مری

اسلام آباد۔ 13 جون(اے پی پی) بنجائی وزیر تخفیف نیزگاری و راجی آسراتی شازیہ عطامری پارینے کہ سمندری طوفان نا رداٹ سندھ حکومت 80 ہزار آن اسہ لکھ بندغ ءِ رکھ ہند آتیا گدریفینے، صوبائی حکومت الس نا جان و مال انا رکھ اکن پبی گام گیج کننگ ءِ، ولے اوفک تینا رکھ اکن تینٹ ہم گچین رکھی گام گیج کیر۔ سے شنبے نادے آ قومی اسمبلی ٹی گپ وتران کرسا شازیہ مری پارے کہ پاکستان ءِ سمندری طوفان آن بھاز خطرہ ءِ، نن دا سوچ بچار اٹی اُن کہ ہراوڑ مخلوق نا جان و مال انا رکھ ءِ پک کننگے، سندھ حکومت پبی گام گیج کننگ اٹی ءِ۔ اوپارے کہ سمندری طوفان آن بدین و ٹھٹھہ ءِ خطرہ ءِ، کراچی شار اٹی طوفان نا خطرہ نا رداٹ بل بورڈز آتے اینک کننگ نا کاریم برجاءِ 14 و 15 جون آ بھاز خطرہ مون تروک ءِ۔ اوپارےکہ مخلوق حکومتی پارت آتیا عملدرآمد ءِ پک کے، سندھ حکومت 80 ہزار آن اسہ لکھ بندغ ءِ رکھ ہند آتیا گدریفینے، الس   تینا جان و مال انا رکھ اکن تینٹ ہم رکھی گام گیج کے۔ اوپارے کہ سمندری طوفان آن بلوچستان ءِ ہم خطرہ ءِ، اسپیکر ہم مخلوق ءِ حکومتی پارت آتیا عملدرآمدنا تلقین کے۔