کراچی۔ 13 جون (اے پی پی) وزیراعلیٰ سندھ سید مراد علی شاہ تون آسٹریلیا نا ہائی کمشنر نیل ہاکن اوڑدہی کرے ، اوڑدہی ٹی پولیٹکل آفیسر میری ہم ساڑی ئسک وخت اس کہ وزیراعلیٰ سندھ اتون اسپیشل اسسٹنٹ سید قاسم نوید، وزیراعلیٰ نا سیکرٹری رحیم شیخ ہم ساڑی ئسک۔ جاری اعلامیہ نا رداٹ اوڑدہی ٹی نوکاپ زہمی تا بابت گپ وتران مس۔ وزیراعلیٰ سندھ پارے کہ نوکاپ زہمی تا اُراتا تفنگ کن زہمی تے زر تننگ انگ ءِ، سندھ حکومت زہمی تے اُراتا ڈغار نا کاغد آتے ہم تننگ ءِ، آسٹریلوی ہائی کمشنر وزیراعلیٰ سندھ انا نوکاپ زہمی تیکن خذمت آتا ستاءِ کرے۔ ہائی کمشنر نیل ہاکن پارے کہ آسٹریلیا پاکستان خاص وڑاٹ سندھ اٹی دال تا فصل خلنگ اٹ کمک کننگ خواہک۔
