خرم شہزاد
اسلام آباد۔ 13 جون (اے پی پی) پاکستان بیت المال نا منیجنگ ڈائریکٹر ملک عامر فدا پراچہ پارینے کہ پاکستان بیت المال نا غٹ کاریم نا بابت بشمول پروجیکٹ آتا ڈیجیٹلائزیشن نا عمل بناکرینے، داڑان نئے بیرہ شفافیت برک بلکن قومی و جہانی ’’ڈونر‘‘ آتے ہم دا خیر انا کاریم اٹ بشخ شاغنگ کن راغب کننگ مریک، 50 سویٹ ہوم تیٹی خوانوک آچوری آ چناتے گریجویشن اسکان تعلیم فراوان کننگ نا اصولی فیصلہ ءِ کننگانے، اسلام آباد و گلگت بلتستان اٹی چوری آچناتیکن یوتھ ہاؤس جوڑ کننگ آن پد داسہ ایلو شارتیٹی ہم ریسہ وار یوتھ ہاؤس جوڑ کننگک۔ اوداہیت ءِ سے شنبے نادے آ قومی خبررساں ادارہ ’’ایسوسی ایٹڈ پریس آف پاکستان ‘‘(اے پی پی) ءِ خصوصی انٹرویوٹی پارے۔ ملک عامر فدا پراچہ پارے کہ پاکستان بیت المال نا رداٹ امداد نا چندی ڈٹ ہرافتے ٹی شیلٹر ہوم، سویٹ ہوم، پاکستان تھیلے سیمیا سینٹر، انفرادی مالی کمکاری، ویمن ایمپاورمنٹ سینٹر، پاکستان بیت المال اسکول، پرسن ود ڈس ایبلٹی ، اولڈ ایج ہوم تون اوار چندی ناجوڑی تا درمان نا بابت طبی کمکاری اوار ءِ ، 2021-22اٹی پاکستان بیت المال آن طبی کمکاری نا 13719کیس، تعلیمی وظیفہ غاتا 5 ہزار 769، ایجوکیشن سٹاپن نا 18 ہزار 375، اسپیشل پرسن تا 5 ہزار 68 وخت اس کہ شیلٹر ہوم تیان اسہ کروڑ 75 ہزار 716 بندغ فائدہ ہرفیر۔
اوپارے کہ ہراتم کنے داادارہ نا کماشی نا زمواری رسینگا تو دا خیرانا کاریم اٹ ملکی ودرملکی ’’ڈونر‘‘ آتے دا کنڈا اتنگ کنا اولیت ئس دا ڑکن ادارہ نا غٹ امور بشمول پروجیکٹ آتا ڈیجیٹلائزیشن المی ئس ہنداسوب آن داڑا جنگی بنداو تیا کاریم نا بناءِ کرین، داڑان ادارہ ’’پیپر لیس ‘‘ و ڈٹ آتیٹی پین شفافیت بریک ، و ڈونرآتا پت ودک۔ ایم ڈی پاکستان بیت المال ملک عامر فدا پراچہ پارےے کہ چناتیٹی قوت سماعت و قوت گویائی آن محرومی لمہ و باوہ غاتیکن اسہ بھلو آزمائشت اسے آن کم مفک، دانا درمان ہم بھاز کبین ءِ، اسہ چناسے نا کوکلرایمپلانٹ آ کم وود 19 لکھ روپئی نا خڑچ بریک اگہ دا چناتیٹی دالگے تو او چناک بِننگ و ہیت کننگ نا بناءِ کیرہ۔ دا ایمپلانٹ داچناتیکن ’’لائف چینجر‘‘ جوڑ مریک۔ بنجائی وزیر راجی رکھ و تخفیف نیزگاری شازیہ مری ، ننا ڈویژن و خزانہ نا سیکرٹری و ننا غٹ انا کوشست رنگ اس ایسونے، داسہ قوت سماعت و گویائی آن محروم چنا (5سال وئی اسکان ) تے کوکلر ایمپلانٹ ، پاکستان بیت المال نا بجٹ اٹ اوار کننگانے۔ اسہ سوج اسے نا ورندی ٹی اوپارے کہ کنا اولیکو کوشست دادے کہ کوکلر ایمپلانٹ نا دونیم ارب مالیت نا زیر التوا کیس آتے سرتننگے۔ اوپارے کہ پاکستان بیت المال نا مچ آملک اٹی 50 سویٹ ہوم ءُ ہراڑے چوری آچناتا کفالت مننگ ءِ۔ پاکستان بیت المال نا ہر ضلع ٹی ویمن ایمپاورمنٹ سینٹر چلینگ انگ ءِ، سٹریٹ چلڈرن کن ہر ضلع ٹی ایس آرسی ایل نا پن اٹ اسکول چلینگ انگ ءِ۔ ہر وڑنا میڈیکل، سرجری و دوائی تیکن امداد، ہراچناک بڑزکو تعلیم اسکان تینا خڑچ آتے سگنگ کپسہ اوفتے اسکالر شپ تننگ اُن۔ اوپرے کہ دا غٹ پروجیکٹ آتیکن ساڑی بجٹ گنج اس اف و داٹی ودکی کن سخت تگ و دود کرسا کیوہ۔ ایم ڈی بیت المال ملک عامر فدا پراچہ پارے کہ کنا اوپن ڈور پالیسی ءِ ، ننے آ ہموفک بریرہ ہرافتے اناگات مالی امداد نا گرج پیش بریک، بطور شاک آبزرور ادارہ نا وڑاٹ اوپن ڈور پالیسی نا رداٹ زہمی تتون تینٹ ملیوہ و سیاسی تعلقداری یا رنگ و نسل آن اسہ کنڈ دمدستی پورو ی نا ہرممکن کوشست کیوہ۔ ایم ڈی بیت المال ملک عامر فدا پراچہ پارے کہ پاکستان بیت المال نا اسہ مرغن ءُ سفر اسے،، مسکوہی وزیراعظم محمد نواز شریف نا دور اٹی 1991 ٹی داادارہ تیناسفرنا بناءِ کرے۔ ہمووخت آ میڈیکل و گڑاس مالی کمک کننگاکہ وخت اتون اوار اوار امداد نا نوعیت اٹی ودکی مرسا کرے۔ گودی بینظیر بھٹو بس تو اوداادارہ ٹی ویمن یمپاورمنٹ سینٹر نا بناءِ کرے۔ 2008 اٹی سویٹ ہوم بناکرے۔ اسہ سوج اسے نا ورندی ٹی اوپارے کہ بیت المال کن مالی سال 2023-24بجٹ نا بابت پارے کہ دا بجٹ اٹ اسہ ارب روپئی نا ودکی سلاہ کننگانے ، تدوک آ 3 سال آن پاکستان بیت المال نا بجٹ اٹی ہچ ءُ ودکی اس متویسس بلکن داسال اٹی 50 کروڑ نا کمتی مسوسس۔ اوپارے کہ پاکستان بیت المال نا سٹریٹ چلڈرن تیکن چلیفوک آ اسکول آتیٹی پرائمری اسکان تعلیم تننگاکہ، ای بننگ تون اودے ہشت اسکان کرینٹ۔ ہندا وڑ مہالو سویٹ ہوم تیٹی چناتے میٹرک اسکان تعلیم تننگاکہ اودے ودفسا گریجویشن کرینن۔ اوپارے کہ اسلام آباد و گلگت بلتستان اٹی چوری آ چناتیکن یوتھ ہاؤس جوڑ کرینن، ریسہ وار ایلو شار تیٹی ہم یوتھ ہاؤس جوڑ کننگک۔ اوپارے اسکالر شپ نا بابت یونیورسٹی تے پاننگانے کہ او خلقی، پدسلوک علاقہ و بلوچستان کن ودکی کوٹہ غا عملدرآمد ءِ پک کیر۔ تعلیمی وظیفہ غان بھاز انگا چناک دا قابل مسنو کہ اوملک و قوم انا خذمت ءِ کیر۔
