سندھ  ءِ  تیاب  دپی دمگ س سجاول ،  ٹھٹھہ  ءُ بدین  ءَ  را   توپان ءِ  ھوپ  ءُ  ھوپ ءُ ترس آنی  گوما  دیم  پہ دیمی  انت،   صوبائی  حکومت    یک  شلی ءَ  جاور  ھال آناں  مانیٹر کنگ ءَ انت،   شازیہ مری

اسلام آباد۔12جون  (اے پی پی): بنجاھی وزیر برائے   گریبی ءِ گر  ءُ دار ءُ چاگردی رکھینوک / چیئرپرسن  بے نظیر  انکم  سپورٹ  پروگرام  شازیہ مری ءَ گوشتگ کہ سندھ  ءِ  تیاب  دپی دمگ  سجاول،  ٹھٹھہ  ءُ بدین  ءَ را  توپان ءِ  بیم  ءُ ھوپ آنی گوما  دیم   پہ دیمی انت،  صوبائی   حکومت   یل شلی  ءَ جاور  ھال آنی  مانیٹرنگ ءَ کنگ ءَ انت،   سندھ حکومت   پکوئیں رنگ  ءَ وتی مردم  آناں  توپان ءَ چہ رکھینگ ءِ واستہ کوشست  کنگ ءَ انت۔ توپان ءِ رد ءَ  80  ہزار   مردم آناں     جوانیں  جاہ ءُ ھنداں  لڈگ ءُ  برگ   بوھگ ءَ انت،   دور ءُ گستایں دمگ   آنی واستہ  موبائل   یونٹس  جولائی  ءَ  کار ءَ   بندات  کناں تانکہ  آھودا  الس آنی مشکل  آناں گیوار  کنگ بہ بیت،  پیسریگیں  حکومت ءَ چار سال  ءَ  اینکاس   وام   زرتگ  کہ 70 سال   ءَ ھم   زورگ نہ بوتگ،   گوستگیں وھد  ءَ کمو مردم آناں بی آئی ایس  پی ءِ  ھلاسی ءِ واستہ کوشست   کتگ بلے ناکام  بوتگ انت۔ اے ھیالانی درشانی آئی    ءَ   دو شمبے  ءَ   مزن وزیر ءِ ھاسیں  کمکار برائے چاگردی  رکھینوک  فیصل  کریم کنڈی   ءِ ھمبراھی ءَ   پریس کانفرنس ءَ گوں گشتانک دیان  ءَ کت۔   بنجاھی وزیر  ءَ گوشت کہ موسمی  مٹ  ءُبدلی آنی سبب ءَ  سندھ، بلوچستان     ھوپءُ  بیم  آنی گوما   دیم پہ دیمی  کنگ ءَ انت،  سندھ انتظامیہ  ءَ  زرئی  توپان ءِ   ھوالگءَ الس  ءَ را  سرپد  ءُ سئیگ  کتگ ءُ مردم آنی رکھینگ ءِ واستہ گامگیج    کنگ ءَانت۔  اے  موہ ءِ سر ءَ گشتانک  دیان  ءَ  مزن وزیر  ءِ ھاسیں کمکار فیصل  کریم کنڈی ءَ گوشت کہ  پاکستان  پیپلز  پارٹی     یک السی پارٹی  ات،   بجٹ    ءَ  بیت المال  ءِ جان  سلامتی    ءِ بجٹ  ءَ گیشی  کنگ بوتگ۔ اے ھوالگ ءَ ایم ڈی بیت المال  رند ءَ  سرجمیں ھال  ءُ اھوال آنی ھوالگ ءَ   سئیگ ءُ  سرپد  کنت۔   آئی ءَ گوشت کہ حکومت ءَبجٹ  ءَ فاٹا  ءُ پاٹا ءَ را  یک   سال ءِ واستہ  ٹیکس  ءَ چہ   شید  ءُ  بید  کتگ،  اے معاشی  ڈکال ءَ   جوانیں   بجٹ  پیش کنگ بوتگ۔  آئی ءَ گوشت کہ زرئی  توپان ءُ ھور  ءِ ھوالگ ءَ   وزیر ءِ درئی کار  بلاول  بھٹو  زرداسری ءُ  سر وزیر  سندھ  سرجمیں   آپریشن   ءَ را مانیٹر  کنگ ءَ   انت۔  حکومت ءِ سند ھ    ھرچی  پنت ءُ شون  کنگ ءَ انت   آوانی  پد ءُ رندی  کناں۔   آئی ءَ گوشت کہ  گوزوکیں  سال  اگست  ءِ ماہ ءَ پارلیمنٹ  ءِ   وھد ءُ پاس  سرجم بوھگ ءَ انت،   ما الیکشن  ءِ تیاری ءَ آ ں ءُ    مردم   پیپلز  پارٹی ءَ ھوار  بوھگ ءَانت۔  آئی ءَ گوشت کہ  17  جون  ءَ  سوات  ءَ  بلاول  بھٹو زرداری   لس مچی  ءَ  گوں گشتانک  کنت ایشی ءِ تہءَآ  روڈ  میپ  دیاں،  پیسریگیں   صدر آصف  علی زرداری ءَ کاروباری    سروک آں گوں گشتانک  ءِ ساھت ءَ فیوچر   روڈ  میپ  ھم   دات۔ آئی ءَ   گوشت  کہ آیوکیں  لستیں روچانی تہءَ پیپلز  پارٹی  ءَ گیش  مردم  ھوار  بیت۔  کشمیر ءَ گوستگیں گچین کاری ءَ     لستیں ووٹ آں چہ  پیپلز  پارٹی  ءِ  نماھندگ   آں  ہار وارتگ بوتگ   وھدیکہ  اے رند ءَ پیپلز  پارٹی  ءِ نماھندگ   گچین کنگ ءَ  کشمیری  الس آنی شگر ءُ  منت   واری ءَ گراں۔  یک جستے ءِ پسو ءَ   فیصل   کریم کنڈی ءَ گوشت  کہ پیپلز  پارٹی ءِ گوما گچین  کاری ءَ  مردم  رابطہ  ءَ آں۔