اسلام آباد۔12جون (اے پی پی): حالءُ اھیوال کاری ء ُ شنگکای رءِ بنجاہی وزیر مریم ا ورنگزیب ءَ گشتگ کہ نوکیں پی ٹی وی اکیڈمی حال ء ُ ایوال کاری ءِ وزارت ءِ ر اج دپترءِ تہا حاسیں بُن اِشتے اِت، میڈیا براڈ کاسٹنگ، تامور، ازمکاری، ٹریننگ ء ُ ازمکاری ءِ ھاترءَ میاں اوستمانی معیاتءِ سینٹر آف ایکسی لینس ءِ بندات کنگ منی مول ء ُ مرادءِ عکس کشی ءَ کنت۔ وتی ٹویٹءِ تہا بنجاہی وزیرءَ گشتگ کہ اولی فلم پالیسی ءِ بہر ءِ ردءَ 13 مئی ءَ آئی ءَ پی ٹی وی فلم انسٹیوٹ ءِ بندات ء ُ انفارمیشن سروس اکیڈمی، پی ٹی وی ء ُ ریڈیو پاکستان اکیڈمیز ءِ ضم کنگ ءِ جار جتگ کہ حال ء ُ اھیوال کاری ءِ وزارت ءِ راج دپترءِ یک حاسیں بُن اِشت اِت۔ آئی ءَ گشتگ کہ پی ٹی وی ء ُ ریڈیو پاکستان ءَ میڈیا آلات ء ُ آسراتی کارمرز کتگء ُ آکیڈمی ءِ وانگء ُ زانگی مراگشانی گوما اھیل کاری ءَ را ہم ہوار کنگ بوتگ۔ حال ء ُ اھیوال کاری ءُ شنگکاری ء ِ بنجاہیا وزیر ، پی ٹی وی اکیڈمی، ریڈیو پاکستان ءِ ٹیم ء ُ ایم ڈی پی ٹی وی ءَ را مراد بات پیش کتگء ُ گشتگ کہ آئیءَ پی ٹی وی فلم انسٹیٹوٹ ءِ بندات ءَ باز کوشست کتگ۔ آئی ءَ پراجیکٹ ڈائریکٹر ونیزہ احمد ءَ راہم دادء ُ سلام پیش کتگ کہ آئی ءَ کسانیں وہدے ءَ اے ضم بوہگءِ کارءَ الم کنگءَ ہوار وانگء ُ زانگی پروگرام بندات کتگ اَنت۔
