اسلام آباد۔ 12 جون (اے پی پی) صدر مملکت ڈاکٹر عارف علوی پاکستان نا اسپیشل اولمپکس ٹیم ءِ برلن اسپیشل اولمپکس اٹی بشخ ہلنگ آ مبارکبادی ترسا پارینے کہ 87 بندغ آتیا تالان پاکستان نا اسپیشل اولمپکس ٹیم انا 11 گوازی تا مقابلہ غاتیٹی بشخ ہلنگ گمر نا سوب ءِ، اومیت کیوہ کہ ننا ٹیم تیناپبی لائخی تا درشانی ءِ کیک۔ دوشنبے نادے آ پاکستان اسپیشل اولمپکس ٹیم انا پن تینا کلہو اٹی صدر مملکت پارے کہ پاکستان اسپیشل اولمپکس نا مچ آ ٹیم و انتظامیہ ءِ ہم مبارکبادی ایتیوہ، خوشی ءِ کہ ذہنی معذوری نا گعواچی بندغ آک ہم گوازی تیٹی بشخ ہلنگ اٹی ءُ، پاکستان نا اسپیشل اولمپکس ٹیم مہالو ہم میڈل کٹسا پاکستان نا پن ءِ روشنا کرے۔ صدر مملکت پارے کہ مثبت سرجزآتیٹی خصوصی نا اواری ءِ ودفنگ نا گرج ءِ، دامسخت کن اوفتے جان جوڑی، تعلیم ، روزگار و گوازی تیٹی تینا پن ءِ ودی کننگ نا موقع اس تروئی مریک۔ اوپارے کہ نن پاکستان اٹی اسہ جوان و شمولیت آ مبنی راج انا ٹہیفنگ نا خواہندار اُن، خصوصی چناتے لس چناتتون اسکول آتیٹی تعلیم تننگ تون اوار اوار کسب و روزگار نا وارخواہی فراوان کننگ نا گرج ءِ۔
