اسلام آباد۔ 12 جون (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک آزاد کشمیر نا ضلع کوٹلی ٹی نواحی خلق کرائی نا ہند آ زائر آتا بس ءِ پیش بروک آ است ہسون شکست اٹی 9 بندغ آتا مرک آ ڈکھیائی و است ہسونی نا درشانی ءِ کرینے۔ قومی اسمبلی سیکرٹریٹ آن جاری بیان نا رداٹ اسپیکر و ڈپٹی اسپیکر تینا کلہو آتیٹی بس شکست اٹی قیمتی انسانی جون تا نسخان آ ڈکھیائی و است ہسونی نا درشانی ءِ کرسا پدسلوک آتون ہڑزخواہی و ہمدردی نا درشانی ءِ کرینو۔ اوفک پاریر کہ بس شکست اٹی زوال کروک آ بندغ آتا تینا خاہوت آتیان اناگت جتا مننگ اسہ بھلوصدمہ و بے بدل ءُ نسخان اسے ہرادے پورو کننگ مفک۔ اوفک پاریر کہ ڈکھیائی و تکلیف نادامشکل ساہت اٹی او پدسلوک خاہوت آتا غم اٹی بریبر ناشریک ءُ و اوفتے تون پورو یکجہتی نا درشانی ءِ کیرہ۔ اسپیکر و ڈپٹی اسپیکر اللہ تعالیٰ آن بس شکست اٹی زوال کروک آ بندغ آتا درجہ غاتا بڑزی و پدسلوک آ خاہوت آتے دا بے بدل نسخان ءِ سگنگ کن صبر وجمیل نا دعاکریر۔
